बाइडेनकालीन नीतिमा ट्रम्प प्रशासनको ब्रेक: हिरासतमा रहेका आप्रवासीका लागि निजी उपहार संकलन बन्द
प्रकाशित मिति : ७ आश्विन २०८३, बुधबार
अमेरिकी सीमा सुरक्षा एजेन्सी ‘यूएस कस्टम्स एन्ड बोर्डर प्रोटेक्सन’ ले हिरासतमा रहेका कागजातविहीन आप्रवासीहरूका लागि निजी सहयोग तथा उपहार स्वीकार गर्न सकिने बाइडेन प्रशासनको समयको नीति पूर्ण रूपमा बन्द गरेको छ। ट्रम्प प्रशासनको कडा सीमा नियन्त्रण नीतिसँग यो व्यवस्था नमिल्ने भन्दै एजेन्सीले यो कदम चालेको जनाएको छ।
एक आन्तरिक ज्ञापनपत्रअनुसार सिबीपीका कमिश्नर रड्नी स्कटले सन् २०२२ को होमल्यान्ड सेक्युरिटीको निर्देशिकाबाट एजेन्सीलाई तत्काल प्रभावबाट फिर्ता बोलाएका छन्। उक्त निर्देशिकाले सिबीपी र आइसका प्रमुखहरूलाई हिरासतमा रहेका आप्रवासीहरूको हेरचाहका लागि निजी दान तथा उपहारहरू माग गर्न वा स्वीकार गर्न सक्ने अधिकार दिएको थियो।
कमिश्नर स्कटले लेखेका छन्, “सिमानामा गैरकानुनी घुसपैठ र पक्राउ पर्नेहरूको संख्यामा उल्लेख्य कमी आएकाले सीबीपीलाई अब हिरासतमा रहेका व्यक्तिहरूका लागि निजी दान वा उपहारको आवश्यकता छैन।” उनले यो नीति ट्रम्प प्रशासनको मजबुत सीमा प्रवर्धन र सम्बन्धित राष्ट्रपतिीय कदमहरूसँग मेल नखाएको पनि स्पष्ट पारेका छन्।
सिबीपीले यो निर्णयको पुष्टि गर्दै भर्खरै मात्र उक्त निर्देशिकाबारे जानकारी पाएपछि आफ्नो सहभागिता रद्द गरिएको जनाएको छ। यद्यपि, यो फिर्ता सिबीपीको लागि मात्र लागू हुनेछ र आइस यस नीतिबाट हटेको वा नहटेकोबारे ज्ञापनपत्रमा केही उल्लेख गरिएको छैन। सन् २०२२ मे ३ मा तत्कालीन उप-गृह सुरक्षा सचिव जोन् के. टिएनले यो अर्डरमा हस्ताक्षर गरेका थिए।