सर्वोच्च अदालतको अनुमतिपछि अमेरिकाद्वारा आठ जना सुडानमा डिपोर्ट

नेपाल डेस्क

---

प्रकाशित मिति : असार २२, २०८२ आईतबार

अमेरिकाले आठ जनालाई दक्षिण सुडान डिपोर्ट गरेको छ । उनीहरुलाई केही हप्ता अगाडि जिबुटीमा रोकिएको थियो।

डिपोर्ट गरिएका व्यक्तिहरू हत्या, यौन दुर्व्यवहार र डकैतीजस्ता अपराधमा दोषी ठहर भएका बताइएको छ । उनीहरू जेल सजाय सकिन लागेका वा सकिएको अवस्थामा रहेका थिए।

डिपोर्ट गरिएका आठमध्ये केवल एकजना मात्रै दक्षिण सुडानी नागरिक हुन्। बाँकी अन्य म्यानमार, क्युबा, भियतनाम, लाओस र मेक्सिकोका नागरिक हुन्।

अमेरिकी अधिकारीहरूले अधिकांशको गृहदेशले उनीहरूलाई फिर्ता लिन अस्वीकार गरेका दाबी गरेका थिए। ट्रम्प प्रशासनले तेस्रो देशमा निर्वासन विस्तार गर्ने नीति अगाडि बढाइरहेको छ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

यसअघि उसले एल साल्भाडोर र कोस्टारिकातर्फ पनि केही व्यक्तिहरूलाई निर्वासित गरिसकेको छ।

रुवाण्डाले यसबारे छलफल भएको पुष्टि गरिसकेको छ । बेनिन, अङ्गोला, इक्वेटोरियल गिनी, इस्वातिनी र मोल्डोभालाई सम्भावित ‘थर्ड पार्टी’ देशका रूपमा संचार माध्यमहरूले उल्लेख गरेका छन्।

अमेरिकी डिपार्टमेण्ट अफ होमल्याण्ड सेक्यूरिटीले दिएको तस्बिरमा ती आठ व्यक्तिहरू विमानमा हात र खुट्टा दुवै बाँधिएको अवस्थामा देखिन्छन्।

अधिकारिहरूले दक्षिण सुडान सरकारले उनीहरूलाई पक्राउ गरेको छ कि छैन भन्ने खुलाएका छैनन्।

तर देश हाल अस्थिर अवस्थामा छ । सुडान चलिरहेको देश हो । अमेरिकी विदेश मन्त्रालयले त्यहाँ ूअपराध, अपहरण र सशस्त्र द्वन्द्वू को जोखिमका कारण यात्रा नगर्न चेतावनी दिएको छ।

यी आठ व्यक्तिलाई मे महिनामा अमेरिका बाहिर पठाइएको थियो । तर अमेरिकी जिल्ला न्यायाधीश ब्रायन मर्फीले तेस्रो देशमा निर्वासनको लागि पुर्वसूचना र शरण अधिकारीसँग कुरा गर्न पाउने अधिकार सुनिश्चित गर्न आदेश दिएपछि विमान जिबुटीमा रोकिएको थियो।

तर गत साता अमेरिकी सर्वोच्च अदालतले ट्रम्प प्रशासनको पक्षमा फैसला गर्दै न्यायाधीश मर्फीको आदेश उल्टाइदियो ।

बिहीबार सर्वोच्च अदालतले उक्त आदेश अब लागू नहुने निर्णय गरेपछि निर्वासन प्रक्रिया अगाडि बढाउन प्रशासनलाई सहज भएको हो ।

डिएचएसकी प्रवक्ता ट्रिसिया म्याकलाफ्लिनले यसलाई ूसक्रिय न्यायाधीशहरूमाथिको विजयू भन्दै टिप्पणी गरेकी थिइन । यस वर्षको सुरुमा अमेरिकी विदेशमन्त्री मार्को रुबियोले दक्षिण सुडानी नागरिकहरूको भिसा रद्द गरेका थिए ।

दक्षिण सुडानले आफ्ना नागरिकहरूलाई फिर्ता लिन अस्वीकार गरेपछि सुडानी नागरिको भिसा अमेरिकाले रद्द गरेको थियो।