युक्रेनमा रुसले गरेको व्यापक ड्रोन आक्रमणको संयुक्त राष्ट्रसङ्घद्वारा निन्दा
प्रकाशित मिति : असार २१, २०८२ शनिबार
संयुक्त राष्ट्रसङ्घका महासचिव एन्टोनियो गुटेर्रेसले युक्रेनमा तीन वर्षे युद्धमा रुसले ड्रोन र क्षेप्यास्त्रको व्यापक प्रयोग गरी गरेको आक्रमणको निन्दा गरेका छन् ।
शुक्रबार भएको आक्रमणको निन्दा गर्दै जारी गरिएको विज्ञप्तिमा महासचिब गुटेर्रेसले भनेका छन्, “रुसी महासङ्घले गरेको ड्रोन र क्षेप्यास्त्र आक्रमणको पछिल्लो शृङ्खलाको राष्ट्रसङ्घ कडा शब्दमा निन्दा गर्दै तत्काल र बिनाशर्त पूर्ण युद्धविरामको लागि आह्वान गरिन्छ ।”
घन्टौं लामो रुसी बमबारीपछि देशभरबाट हजारौँ युक्रेनीहरूलाई आश्रयका लागि विदेश पलायन हुन बाध्य पारेको छ ।
किएभमा रहेका एएफपीका पत्रकारहरूले राजधानीमा ड्रोन आक्रमणको व्यापक आवाज सुनेको रयुक्रेनी हवाई प्रतिरक्षा प्रणालीले आक्रमणलाई रोक्न रातभरि सक्रिय रहेको बताए ।
“महासचिव यो खतरनाक वृद्धि र नागरिकहताहतको बढ्दो संख्याबाट चिन्तित हुनुहुन्छ,” राष्ट्रसङ्घका प्रवक्ता स्टेफन दुजारिकद्वारा जारी विज्ञप्तिमा भनिएको छ ।
उनले अन्तर्राष्ट्रिय कानुनअनुसार नागरिक र नागरिक संरचनामाथि आक्रमण गर्न निषेध गरिएको र यसलाई तत्काल रोक्नुपर्ने बताएका छन् ।