अस्ट्रेलियाको ग्रामीण स्वास्थ्य सेवामा संकट बढ्दै
प्रकाशित मिति : बैशाख १३, २०८२ शनिबार
अस्ट्रेलियाको ग्रामीण स्वास्थ्य सेवामा संकट गहिरो हुँदै गएको छ । डाक्टरहरूको अभाव र सरकारी स्वास्थ्य प्रणालीको कमजोर व्यवस्थापनले विशेष गरी साना शहरहरूमा नागरिकलाई गम्भीर असर पुर्याइरहेको छ।
अस्ट्रेलियामा अहिले ३० प्रतिशत बिरामीलाई सामान्य चिकित्सकको भेटका लागि औसत लगभग ५ हजार ७०० नेपाली रुपैयाँ शुल्क तिर्नु पर्छ । यो रकम बिरामीको आर्थिक स्थितिमा थप बोझ बनिरहेको छ ।
यस संकटको समाधानका लागि आगामी ३ मेमा हुने संघीय निर्वाचनमा स्वास्थ्य नीति प्रमुख मुद्दा बनेको छ । श्रम पार्टीले अतिरिक्त लगानीको प्रस्ताव गरेको छ ।
तर, विशेषज्ञहरूको भनाइमा यी प्रस्तावहरू पर्याप्त छैनन् । अस्ट्रेलियन मेडिकल एसोसिएशनका अनुसार मेडिकेयर रिबेटहरू मुद्रास्फीतिसँग मेल नखाँदा डाक्टरहरूले शुल्क बढाउन थालेका छन्, जसले बिरामीलाई थप महँगो बनाइरहेको छ।
ग्रामीण क्षेत्रका नागरिकहरूलाई स्वास्थ्य सेवामा समान पहुँचको ग्यारेन्टी गर्नका लागि दीर्घकालीन संरचनात्मक सुधार आवश्यक छ ।
यसका लागि डाक्टरहरूको तलब संरचना सुधार, ग्रामीण चिकित्सकहरूको तालिम र भर्ना प्रक्रिया सुदृढ गर्नुपर्नेछ।
स्ट्रीकी बेका स्थानीय नेता पेनी विलियम्सका अनुसार, हामीलाई सुनौलो सेवा चाहिँदैन, तर समान सेवा चाहिन्छ।
उनले भनेका छन्, हामीले तीन पटक स्वास्थ्य सेवाका लागि कर तिर्नु परेको छ । मेडिकेयर कर, स्थानीय कर र ग्याप शुल्क उनले भनेका छन ।
अस्ट्रेलियाले आफ्नो सार्वभौम स्वास्थ्य प्रणालीलाई बचाउनका लागि गम्भीर र दीर्घकालीन सुधारको आवश्यकता छ ।
यदि यस्ता सुधारहरू लागू नगर्ने हो भने, स्वास्थ्य सेवामा भेदभाव र असमानता अझ बढ्न सक्ने संभावना देखिएको छ ।