अमेरिकाको दक्षिणी क्षेत्रमा आँधी, कम्तीमा ७ जनाको ज्यान गयो
प्रकाशित मिति : चैत्र २१, २०८१ बिहीबार
GREENFIELD, IOWA – MAY 23: Residents continue recovery and cleanup efforts with the help of family and friends following Tuesday’s destructive tornado on May 23, 2024 in Greenfield, Iowa. The storm was responsible for several deaths in the small community. Scott Olson/Getty Images/AFP (Photo by SCOTT OLSON / GETTY IMAGES NORTH AMERICA / Getty Images via AFP)
अमेरिकाको दक्षिणी क्षेत्रमा आएको आँधी र तीब्र हावाका कारण कम्तीमा ७ जनाको मृत्यु भएको छ । आँधी अझै केहिदिन कायम रहने बताइएको छ ।
बुधबार र बिहीबार पश्चिमी टेनेसी, मिसुरी र इन्डियाना राज्यहरूमा ती व्यक्तिहरुको मृत्यु भएको हो । आँधी प्रभावित क्षेत्रहरुमा घरहरू भत्किएका छन ।
आँधीले कतिपय घरका छाना धेरै टाढासम्म उडाएको थियो । नेशनल वेदर सर्भिसले आँधीसँगै बाढीको पनि चेतावनी दिएको छ । मृतकको संख्या पनि बढ्नसक्ने वेदर सर्भिसले बताएको छ ।
टेक्सासदेखि पेनसिल्भेनिया सम्मका क्षेत्रमा चेतावनीहरु जारी गरिएका छन । यो आँधीले शनिबारसम्म बाढीको जोखिम निम्त्याउन सक्ने भन्दै मौसम विभागले पूर्व सुचना गरिएको बताएको हो ।
टेनेसी, लुइसियाना र वेस्ट भर्जिनियाको केही भागमा बिहिबार आँधीको चेतावनी जारी भएको थियो । अर्कान्सस, म्याहसीपी, केन्टकी र टेनेसीका केही भागमा निगरानी जारी गरिएको थियो।
मिसिसिपी, टेनेसी र केन्टकीमा पनि अचानक बाढीको संभावना रहेको छ । त्यहाँ आपतकालीन अवस्था घोषणा गरिएको छ । वेस्ट भर्जिनियामा पनि जोखिमको अवस्था रहेको अधिकारीहरुले बताएका छन ।
प्रारम्भिक नेशनल वेदर सर्भिसले टेनेसीको दक्षिण पश्चिमी क्षेत्रमा १६० माइल प्रति घण्टाको गतिले हावा चल्ने अनुमान गरिएको छ । टेनेसीका गभर्नर बिल लीले कम्तीमा आफनो राज्यमा पाँच जनाको मृत्यु भएको बताएका छन ।
राष्ट्रपति डोनाल्ड ट्रम्पले टेनेसीको लागि आपतकालीन घोषणा स्वीकृत गरेका छन् । यो स्वीकृतिले संघीय सहयोगको बाटो खोल्छ । मिसुरीका गभर्नर माइक डिहोले राज्यका नेशनल गार्डको सहयोग प्राप्त गर्न कार्यकारी आदेश जारी गरेका छन् ।
मिसुरी हाइवे पेट्रोलका सर्गेन्ट क्लार्क पेरोटले राज्यको दक्षिण पूर्वी भागमा कम्तीमा एक जनाको मृत्यु भएको बताए ।
यी क्षेत्रहरू मार्चको मध्यमा आएको घातक जंगली आगो र धूलो आँधीबाट कम्तीमा ४० जनाको ज्यान गएको थियो। धेरै मानिसहरुलाई प्रभावित बनाएको थियो ।