आयरल्याण्डबाट आयात हुने उत्पादनमा १० प्रतिशत कर लगाउने राष्ट्रपति ट्रम्पको घोषणा
प्रकाशित मिति : चैत्र २०, २०८१ बुधबार
अमेरिकी राष्ट्रपति डोनाल्ड ट्रम्पले उत्तर आयरल्याण्डका उत्पादनहरूमा १० प्रतिशत शुल्क लगाउने घोषणा गरेका छन् । यो शुल्क बिहिबारबाट लागू हुने बताइएको छ ।
उत्तरी आयरल्याण्डका कम्पनीहरूले हरेक वर्ष लगभग १.५ बिलियन युरो मूल्यका उत्पादनहरू अमेरिका निर्यात गर्छन् । औषधि र औद्योगिक मेशिनरीका सामान प्रमुख निर्यात हुने सामान रहेका छन ।
ट्रम्पले समग्र बेलायतमा लागू गरेको शुल्क अन्तर्गत उत्तरी आयरल्याण्डका उत्पादनहरू रहेका छन । आयरल्याण्डका उत्पादनहरूमा २० प्रतिशत शुल्क लाग्नेछ ।
युरोपेली संघ माथि ट्रम्पले लागू गरेका उपायहरूको एक हिस्सा को रुपमा यो शुल्कलाई लिइएको छ । युरोपेली संघका देशहरू मध्ये आयरल्याण्ड अमेरिकी बजारमा सबैभन्दा बढी निर्भर रहने देश हो ।
२०२४ मा देशका कुल निर्यातमध्ये लगभग तेस्रो स्थानमा अमेरिकामा भएको थियो । जुन ६१ बिलियन युरो बराबर रहेको थियो ।
ट्रम्पले १० प्रतिशत शुल्क बेलायत र २० प्रतिशत शुल्क ईयूमा लगाएका छन् । शुल्कहरू वास्तवमा अन्य देशहरूबाट आयातित वस्तुहरूमा लागू गरिएका करहरू हुन् ।
सरकारहरूले स्थानीय उत्पादकहरूलाई अन्तर्राष्ट्रिय प्रतिस्पर्धाबाट जोगाउनको लागि शुल्क लगाउँछन् ।
बुधबार व्हाइट हाउसमा बोल्दै ट्रम्पले अमेरिकाको उद्योग पुनर्जीवित भएको दिन र अमेरिकालाई फेरि धनी बनाएको दिनको रूपमा सम्झनु पर्छ भनेका छन ।
उत्तर आयरल्याण्डका प्रथम मन्त्री मिशेल ओनिलले श्रमिक, परिवार र व्यवसायका उत्कृष्ट चासोहरूलाई संरक्षण गर्नु आवश्यक रहेको बताएका छन ।
आयरल्याण्डका प्रधानमन्त्री मिचेल मार्टिनले कुनै पनि प्रतिकारात्मक शुल्क लगाउने इयुको कदमको बारेमा सोचिरहेको बताएका छन् ।
अमेरिकाले लगाएको शुल्कले उत्तर आयरल्याण्डमा कस्तो प्रभाव पार्नेछ भनेर मूल्यांकन गरिरहेको प्रधानमन्त्रीले बताएका हुन ।
आयरल्याण्डको अर्थतन्त्र अमेरिकामा निर्यातको लागि अत्यधिक निर्भर छ । आयरल्याण्ड सरकारका अधिकारीहरूले यस प्रकारको शुल्कको प्रभाव महत्त्वपूर्ण हुने बताए ।
औषधी कम्पनीहरूलाई यस शुल्कको प्रभावबाट बचाउने प्रयास भइरहेको उनले बताए ।