ट्रम्पले गरे जेलेन्स्कीको प्रशंसा : जेलेन्स्कीप्रति ‘धेरै इज्जत’ छ
प्रकाशित मिति : फाल्गुन १५, २०८१ बिहीबार
अमेरिकी राष्ट्रपति डोनाल्ड ट्रम्पले यूक्रेनी राष्ट्रपति भोलोडिमिर जेलेन्स्कीलाई तानाशाह नभनेको बताएका छन । ट्रम्पले भने ‘मैले त्यस्तो भनेको हो ? म विश्वास गर्न सक्दिन कि मैले त्यस्तो भने।’
यूक्रेनी राष्ट्रपति जेलन्स्कीप्रति ‘धेरै इज्जत’ रहेको समेत ट्रम्पले बताएका छन् । युक्रेनी राष्ट्रपति जेलेन्स्की र राष्ट्रपति ट्रम्पकाबीचमा शुक्रबार भेटवार्ता र खनिज सम्बन्धि महत्पूर्ण सम्झौता हुँदैछ ।
आफुले जेलेन्स्कीलाई तानाशाह भनेको आफैलाई विश्वास नरहेको भन्दै उनले जेलेन्स्की धेरै बहादुर नेता भएको बताए ।
ट्रम्पले यूक्रेन र रुस बीचको युद्धको अन्त्यका लागि बेलायतका प्रधानमन्त्री कीर स्टार्मरसँगको वार्तापछि पत्रकार सम्मेलनलाई संबोधन गर्दै थिए ।
शुक्रबार जेलेन्स्कीसँग हुने वार्ता धेरै राम्रो हुने र शान्ति प्राप्तिका सफल हुने विश्वास उनले गरेका छन ।
राष्ट्रपति ट्रम्पले सुरुमा जेलन्स्कीलाई युद्धको जिम्मेवार ठहराउँदै, शान्ति वार्ता सुरु नगरेकोमा आलोचना गरेका थिए।
जेलन्स्कीले आफ्नो देशको लागि शान्ति सम्झौतासँग सम्बन्धित सुरक्षा ग्यारेन्टीहरू प्राप्त गर्ने आशा गरेका छन ।
ट्रम्पले भने कि यूक्रेनी खनिज क्षेत्रमा अमेरिकी उत्खनन कम्पनीहरूको उपस्थिति भविष्यमा रुसको आक्रमणको बिरुद्ध रोकथामको रूपमा काम गर्ने बताएका छन ।
रुस र य्ुक्रेनबीचको युद्ध छिटो समाधान गर्ने आफनो प्रतिबद्धता रहेको भन्दै शान्तिको अभियानमा कसैलाई पनि बाहिर राख्न नचाहेको उनले स्पष्ट पारे ।