ट्रम्पद्धारा अमेरिकाको कामदार भिसा एच वान बीको बचाउ
प्रकाशित मिति : पुस १३, २०८१ शनिबार
Republican presidential nominee former President Donald Trump speaks during a campaign rally at Thomas & Mack Center, Thursday, Oct. 24, 2024, in Las Vegas. (AP Photo/Alex Brandon)
अमेरिकाको राष्ट्रपतिमा निर्वाचित डोनाल्ड ट्रम्पले उच्च दक्षता भएका विदेशी कामदारलाई अमेरिका आउन दिन अनुमति दिने भिसा कार्यक्रमको बचाउ गरेका छन् ।
यो विषयले यो हप्ता उनका समर्थकहरूलाई विभाजित पारेको थियो ।
ट्रम्पले द न्यूयोर्क पोस्टसँगको अन्तर्वार्तामा भने ‘म एच वान बी मा विश्वास राख्छु’, उनले विदेशी कामदारलाई विशेष कामका लागि अमेरिका आउन दिने भिसाको कार्यक्रमप्रति समर्थन व्यक्त गर्दै उनले भनेका हुन ।
पहिलो कार्यकालमा ट्रम्पले विदेशी कामदार भिसामा पहुँचलाई सीमित गरेका थिए । यसअघि उनले यो कार्यक्रमको आलोचना पनि गरेका थिए ।
तर २०२४ को चुनावी अभियानका क्रममा ट्रम्पले अमेरिकी विश्वविद्यालयबाट स्नातक गरेका केही विदेशी कामदारलाई कानुनी हैसियत दिने विषयमा खुलापन देखाएका थिए ।
‘म सधैं यी भिसालाई मन पराउँछु, म सधैं यी भिसाको पक्षमा छु । त्यसैले त हामीसँग यी भिसा छन्’, ट्रम्पले भनेका छन ।
‘मेरो सम्पत्तिहरूमा धेरै एच वान बी भिसाधारीहरू छन् । म यसमा विश्वास राख्छु । मैले यसलाई धेरै पटक प्रयोग गरेको छु । यो राम्रो कार्यक्रम हो’, उनले थपे ।
उद्यमी इलोन मस्क र विवेक रामास्वामीले विदेशी कामदार भिसा कार्यक्रमको बचाउ गरेपछि ट्रम्पको यो टिप्पणी आएको हो ।
रामास्वामीलाई ट्रम्पले हालै सिर्जना गरिएको सरकार दक्षता विभागको नेतृत्वका लागि नियुक्त गरेका छन् ।
मस्क र रामास्वामीको बचाउले ट्रम्प समर्थक कट्टरपन्थीहरूबाट आलोचना हुने संभावना बढाएको छ । ति कट्टरपन्थीहरूले आप्रवासनलाई सीमित राख्नु पर्ने मान्यता राख्दै आएका छन ।
मस्क, दक्षिण अफ्रिकामा जन्मिएका थिए । आफ्नो आमाको माध्यमबाट क्यानाडेली नागरिकता पाए ।
अमेरिकी विद्यार्थीका रूपमा अमेरिका आए । एच वान बी भिसामा काम गरेका थिए । मस्क र रामास्वामीको बचाउको विरोध विशेष गरी आप्रवासन विरोधी ट्रम्प समर्थकहरूबाट भएको छ ।
एच वान बी भिसा कार्यक्रमले हरेक वर्ष ६५ हजार दक्ष कामदारलाई विशेष कामका लागि अमेरिका आउन अनुमति दिन्छ ।
अमेरिकी विश्वविद्यालयबाट उन्नत डिग्री हासिल गरेका थप २० हजार कामदारलाई भिसा दिन्छ ।
अर्थशास्त्रीहरूले यस कार्यक्रमले अमेरिकी कम्पनीहरूलाई प्रतिस्पर्धा कायम राख्न र व्यवसाय विस्तार गर्न मद्दत गर्ने तर्क गरेका छन् । जसले अमेरिका भित्रै नयाँ रोजगारी सिर्जना गर्छ ।