चीनलाई निराश बनाउदै उत्तर कोरियाले रुसमा किन सैनिक पठायो ? अमेरिका भन्छ : सम्वन्धमा दरार आउन सक्छ
प्रकाशित मिति : कार्तिक ७, २०८१ बुधबार
(230228) — BEIJING, Feb. 28, 2023 (Xinhua) — Xi Jinping, general secretary of the Communist Party of China (CPC) Central Committee, makes an important speech at the second plenary session of the 20th CPC Central Committee in Beijing, capital of China. The plenary session was held from Feb. 26 to 28, 2023. (Xinhua/Ju Peng)
उत्तर कोरियाले युक्रेनमा लड्न हजारौं सैनिक रूस पठाएको घटनापछि चीन र उत्तर कोरियाबीचको सम्बन्धमा चुनौती थपिनसक्ने संभावना बढेर गएको छ ।
उत्तर कोरियाले उत्तर एशियामा आफ्नो परमाणु हतियार कार्यक्रम र दक्षिण कोरियालाई नष्ट गर्ने धम्कीका कारण ल्याएको अस्थिरताबाट पहिल्यै नै चीन निराश छ ।
अहिले उत्तर कोरियाले युरोपमा युद्धलाई अझ बढी उत्तेजित बनाएको छ । जसले अमेरिका र उसका सहयोगीहरूलाई चीन र रूसको नेतृत्वमा रहेको पश्चिम विरोधी शक्तिहरूसँगको गहिरिँदो विश्वव्यापी टकरावमा धकेल्न सक्ने संभावना पनि बढेको देखिन्छ ।
चीनले आफूलाई शान्तिको पक्षधरको रूपमा प्रस्तुत गर्ने प्रयास गर्दै आएको छ । चीनले अमेरिकालाई नयाँ शीत युद्ध गर्न खोजेको आरोप लगाइरहेको छ ।
उत्तर कोरियाका सैनिकहरू आफ्नो निकट साझेदार रूसको पक्षमा पश्चिम समर्थित शक्तिहरूसँग लड्न जाँदा चीनको यो अपेक्षा कमजोर हुने देखिन्छ ।
उत्तर कोरियाले सैनिकहरू पठाउने बदलामा रूसबाट प्राप्त गर्न सक्ने सैन्य प्रविधिको आदान प्रदानले चीनको चिन्ता बढाउन सक्छ । यसले उत्तर कोरियालाई दक्षिण कोरिया वा जापानप्रति अझ आक्रामक हुन उत्प्रेरित गर्न सक्छ ।
यसले चीनले उत्तर कोरियालाई आफनो नियन्त्रणमा राख्ने क्षमतामा कमी ल्याउन सक्ने आकलन गर्न सकिन्छ । यद्यपि उत्तर कोरिया व्यापार र सहायता लागि चीनमै निर्भर छ ।
उत्तर कोरियाको उत्तेजक व्यवहारले गत वर्ष क्याम्प डेविडमा अमेरिकाको नेतृत्वमा भएको त्रिपक्षीय सुरक्षा गठबन्धनमा पनि योगदान पुर्याएको छ ।
जसमा अमेरिका, जापान र दक्षिण कोरिया समावेश छन् । यस सम्झौताले चीनलाई अमेरिकाद्वारा घेरिएको र नियन्त्रणमा लिइएको महसुस गराएको छ ।
पश्चिमले रूसलाई अलग्याउने प्रयास गरिरहेको बेला चीनले भने २०२२ मा युक्रेनमा रूसको आक्रमणपछि मस्कोसँग व्यापार र कूटनीतिक सम्बन्धलाई अझ बलियो बनाएको छ ।
बुधवार रुसमा उदीयमान बजार देशहरूको शिखर सम्मेलनमा, चीनका राष्ट्रपति सी जिनपिङले देशहरूलाई आगोमा तेल थप्न नदिन आग्रह गरेका थिए ।
चीनले रूसलाई दिएको समर्थन फिर्ता लिएर यो युद्ध अन्त्य गर्न मद्दत गर्न सक्छ भन्ने अपेक्षा अमेरिकाको रहेको छ ।
चीनले रूसलाई माइक्रोचिप्स, रसायनहरू वा ड्रोनहरू उपलब्ध गराएको र ठूलो मात्रामा रूसी तेल किनेर रूसलाई समर्थन गरिरहेको आरोप अमेरिकाले चीनमाथी लगाउदै आएको छ ।