हमास प्रमुख सिनवार मारिएपछि अमेरिकाको प्रतिकृया : सम्पूर्ण विश्वका लागि राम्रो दिन
प्रकाशित मिति : कार्तिक १, २०८१ बिहीबार
President Joe Biden smiles as he meets with NATO Secretary General Jens Stoltenberg in the Oval Office at the White House, Monday, June 17, 2024. (AP Photo/Mark Schiefelbein)
अमेरिकी राष्ट्रपति जो बाइडेनले हमास प्रमुख यह्या सिनवार मृत्युले इजरायल, संयुक्त राज्य अमेरिका, र सम्पूर्ण विश्वका लागि राम्रो सन्देश दिएको बताउनु भएको छ । उहाँले सिनवार मारिएको दिनलाई राम्रो दिन भन्नुभएको छ ।
बाइडेनले सिनवार हजारौं इजरायली, प्यालेस्टिनी, अमेरिकी, र ३० भन्दा बढी देशका नागरिकहरूको मृत्युका लागि जिम्मेवार रहेका बताउनु भएको छ ।
२०२३ अक्टोबर ७ को हत्याकाण्ड, बलात्कार, र अपहरणको योजनाकार रहेका अमेरिकाले बताएको छ ।
त्यो दिन १ हजार २०० भन्दा बढी व्यक्तिहरू मारिएका थिए । तीमध्ये ४६ अमेरिकीहरू रहेका बाइडेनले भन्नुभएको छ । अझै १०१ हराइरहेका छन् । तीमध्ये सात जना अमेरिकीहरू छन् । सिनवार यो सबैको लागि मुख्य जिम्मेवार व्यक्ति थिए भनेर बाइडेनले भन्नुभएको छ ।
आज फेरि प्रमाणित भयो कि संसारको कुनै पनि स्थानमा रहेका आतङ्ककारीहरू न्यायबाट बच्न सक्दैनन् भन्ने प्रमाणित भएको बाइडेनले भन्नुभएको छ ।
संयुक्त राज्य अमेरिकाले २०११ मा ओसामा बिन लादेनलाई मार्न गरिएको आक्रमणपछि प्राप्त गरेको खुशी जस्तै सिनवार मारिएपछि इजरायली जनताले खुशी प्राप्त गरेको उहाँको भनाई छ ।
म चाँडै प्रधानमन्त्री नेतान्याहूसँग कुरा गर्नेछु, उनीहरूलाई बधाई दिन, बन्धकहरूलाई उनीहरूको परिवारमा फर्काउने मार्गबारे छलफल गर्न, र यो युद्धको अन्त्य गर्न, जसले निर्दोष व्यक्तिहरूलाई धेरै पीडा दिएको छ , राष्ट्रपति बाइडेनले भन्नुभयो ।
अब गाजामा हमासको नेतृत्व बिनाको नयाँ युग आउने अवसर छ, जसले इजरायलीहरू र प्यालेस्टिनीहरू दुवैको लागि राम्रो भविष्यको सम्भावना दिन्छ अमेरिकी राष्ट्रपति बाइडेनको प्रतिकृया छ ।
इजरायली सेनाका अनुसार सिनवार र तीन जना लडाकुहरूलाई बुधबार रफाहमा रहेको एक भवनमा छापा मार्ने क्रममा मारिएको हो ।