अमेरिकामा घर किन्दै हुनुहुन्छ? मोर्गेज दर २२ बर्षकै सबैभन्दा उच्च ७.२३%
प्रकाशित मिति : भाद्र ८, २०८० शुक्रबार
Photo by Aubrey Odom
अमेरिकामा घर किन्दै हुनुहुन्छ भने विचार गर्नुहोला । अहिले मोर्गेज ब्याज दर २२ बर्षकै सबैभन्दा उच्च अर्थात् ७ दशमलव २३ प्रतिशत पुगेको छ । मोर्गेज दर यो हप्ता बढेर सन् २००१ पछिकै सबैभन्दा उच्च विन्दुमा पुगेको हो ।
बिहीबार जारी गरिएको फ्रेडी म्याकको तथ्याङ्क अनुसार ३० वर्षको फिक्स्ड रेट मोर्टगेज अगस्ट २४ को अन्त्य भएको हप्तामा औसत ७.२३% थियो, जुन अघिल्लो हप्ता ७.०९% थियो। एक वर्ष पहिले ३० बर्षको स्थिर दर ५ दशमलव ५५ प्रतिशत थियो।
मोर्गेज दरहरू मेको अन्त्यदेखि ६ दशमलव ४ प्रतिशत भन्दा माथि छन् भने मध्य जुलाईदेखि उच्च आरोहण भइरहेको छ। गत हप्ताको दर अघि अन्तिम पटक दरहरू गत वर्षको नोभेम्बरमा ७% भन्दा बढी थिए जतिबेला दर मोर्गेज दर ७.०८% पुगेको थियो ।
यो हप्ताको औसत दर जुन १, २००१ को हप्तादेखि ३० वर्षको सबैभन्दा उच्च हो । त्यतीबेला मोर्गेज दर ७ दशमलव २४ प्रतिशत पुगेको थियो ।
फेडरल रिजर्भको ऐतिहासिक मुद्रास्फीति(नियन्त्रण अभियानको दौडान मोर्टगेज दरहरू बढेको छ । जसका कारण धेरै दशकहरूमा ग्राहकहरुको घर किन्नसक्ने क्षमतामा कमी आएको छ । घरको मूल्यबृद्धि र मोर्गेजमा ब्याजदर बढेका कारण थप लागतका कारण अहिले घर किन्नु महँगो छ।
बिक्रिका लागि उपलब्ध घरहरूको सूची नाटकीय रूपमा घटेको छ किनभने पहिले कम दरहरूमा लक भएका घरधनीहरू आफ्ना घर बेच्न अनिच्छुक छन्। कम इन्भेन्टरी र उच्च लागतको संयोजनले घर खरिदकर्ताहरूलाई अप्ठ्यारोमा पारेको छ र समग्र घरको बिक्रीलाई तल गिराएको छ।