न्युयोर्कको क्वीन्समा बास्केटबल खेलिरहँदा विवादपछि १५ बर्षीयबाट १४ बर्षका टिनएजरमाथि गोली प्रहार
प्रकाशित मिति : श्रावण १३, २०८० शनिबार
क्वीन्स बास्केटबल कोर्ट बाहिर विवाद भएपछि एक १४ वर्षीय टिनएजरमाथि गोली प्रहार भएको प्रहरीले शनिबार बताएको छ । ती किशोर साउथ ओजन पार्कको लिंकन सेन्ट र १३५ औं सेन्ट नजिकै फ्रेडरिक बी जज प्लेग्राउन्डमा शुक्रबार राति ९ बजेतिर बास्केटबल खेलिरहेका थिए।
उनको किशोरहरूको अर्को समूहसँग विवाद भएपछि गोली हानिएको थियो । स्कुटरमा सवार हुनसक्ने उनका एक प्रतिद्वन्द्वीले बन्दुक निकालेर पेटमा गोली हानेको प्रहरीले जनाएको छ । आकस्मिक चिकित्सा प्राविधिकहरूले किशोरलाई जमैका अस्पतालमा लगेका थिए जहाँ उनी बाँच्ने आशा गरिएको छ ।
करिब तीन राउण्ड फायर गरिएको थियो । गोली हान्ने व्यक्ति १५ वर्षको थियो भने उसले सर्जिकल मास्क लगाएको वा अर्को तरिकाले अनुहार छोपेको एक प्रत्यक्षदर्शीले प्रहरीलाई बताए । दुई दिनमा न्युयोर्क सिटीमा १८ वर्ष मुनिका व्यक्तिलाई गोली हानिएको यो दोस्रो पटक हो।
बिहीबार राति सिटी बसबाट ओर्लने क्रममा युवाहरुको समुह र ड्युटीमा नभएका सुरक्षा गार्डबीच झडप हुँदा १६ वर्षीया युवतीलाई गोली लागेको थियो । ती किशोरी राति १२ बजे पूर्वी फ्ल्याटबसको लेनोक्स रोड र युटिका एभिन्यु नजिकै हिड्दै थिइन्। हतियारधारी संदिग्धहरूबाट भाग्न खोज्दा २९ वर्षीय सुरक्षा गार्डको खुट्टामा गोली लागेको थियो ।
गोलीकाण्डका पीडितहरू यस वर्ष कम उमेरका रहेको प्रहरीले जनाएको छ । जुलाईको सुरुसम्ममा न्युयोर्क सिटीमा गोली प्रहार भएकामध्ये ६२ जना १८ वर्ष मुनिका थिए । गोलीकाण्डको आरोपमा पक्राउ १४ प्रतिशत १८ वर्ष भन्दा कम उमेरका थिए ।