प्रधानमन्त्री दाहाल आज साँझ इटालीतर्फ जाँदै

नेपाल डेस्क

---

प्रकाशित मिति : श्रावण ६, २०८० शनिबार

प्रधानमन्त्री पुष्पकमल दाहाल प्रचण्ड आज इटाली जादैँ हुनुहुन्छ । यही साउन ८ गतेदेखि २ दिनसम्म आयोजना हुने संयुक्त राष्ट्रसंघको एक कार्यक्रममा सहभागी हुन प्रधानमन्त्री इटाली जान लाग्नु भएको हो ।

राष्ट्रसंघीय खाद्य प्रणाली शिखर सम्मेलनमा भाग लिन प्रधानमन्त्री प्रचण्ड आज साँझ त्यस तर्फ जाने कार्यक्रम छ । प्रधानमन्त्रीको साथमा कृषि तथा पशुपंक्षी मन्त्री बेदुराम भुसालसहित १३ जनाको टोली इटाली जाने भएको हो । कार्यक्रममा राष्ट्रिय योजना आयोगका सदस्य डा. जयकान्त राउत तथा प्रधानमन्त्रीका सचिवालयका सदस्यहरु पनि भ्रमण दलमा सहभागी छन् ।

‘युनाइटेड नेसन्स फुट समिट प्लस टु स्टकटेकिङ मोमेन्ट’ नामक शिखर सम्मेलनका लागि नेपाल सरकारका तर्फबाट प्रधानमन्त्री दाहालले सम्बोधन गर्ने कार्यक्रम रहेको प्रधानमन्त्रीको सचिवालयले जानकारी दिएको छ । प्रधानमन्त्री दाहालले अतिकम विकसित मुलुकको अध्यक्षको हैसियतमा कार्यक्रममा सम्बोधन गर्दै हुनुहुन्छ । साथै मंगलबार प्रधानमन्त्री प्रचण्डले खाद्य प्रणाली परिवर्तनबारे पनि अध्यक्ष राष्ट्रको हैसियतमा सम्बोधन गर्ने प्रधानमन्त्रीको सचिलायले जानकारी दिएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्