सन् २०२३ मा बस्न र काम गर्नका लागि अमेरिकाका १० सबैभन्दा खराब राज्यहरू

खसोखास अमेरिका ब्यूरो

---

प्रकाशित मिति : असार २९, २०८० शुक्रबार

प्रत्येक वर्ष राज्यको व्यापारिक वातावरणको समग्र मूल्याङ्कनको एक भागको रूपमा सीएनबीसीले बस्न र काम गर्नका लागि अमेरिकाका राम्रा र खराब राज्यहरुको सुची प्रकाशित गर्दै आएको छ । अध्ययनका लागि विभिन्न दश श्रेणीहरुमध्ये जीवन, स्वास्थ्य र समावेशीकरणका श्रेणीहरु मुख्य रहेका छन् । अपराध दर, वातावरणीय गुणस्तर र स्वास्थ्य हेरचाह सहित जीवनको धेरै गुणस्तर कारकहरू समेत विचार गरिएको छ । बाल हेरचाहको गुणस्तर र उपलब्धतालाई पनि मानकका रुपमा हेरिएको छ ।

सुचीमा सबैभन्दा खराबको पहिलो नम्बरमा टेक्सास रहेको छ । टेक्सासमा स्वास्थ्य बीमा बिनाको राष्ट्रको उच्च प्रतिशत जनसंख्या रहेको छ । त्यस्तै प्रति व्यक्ति प्राथमिक हेरचाह चिकित्सकहरू पनि दोस्रो सबैभन्दा कम संख्यामा रहेका छन् । अमेरिकाभरमा टेक्सासमा तेह्रौं उच्चतम हिंसात्मक अपराध दर रहेको छ । त्यस्तै प्रति व्यक्ति इजाजतपत्र प्राप्त बाल हेरचाह सुविधाहरूको लागि ३७ औं स्थानमा छ।

लैगिक तथा यौनिक अल्पसंख्यकका लागि कानुन, मतदान अधिकार, र राष्ट्रको सबैभन्दा कडा गर्भपतन प्रतिबन्ध लगायतलाई पनि मानक मानिएको छ । टेक्सासमा प्रशस्त आर्थिक अवसरहरू छन् । यसले टाढा टाढाबाट मानिसहरूलाई आकर्षित गरिरहेको छ। तर जीवन, स्वास्थ्य र समावेशीताको कुरा आउँदा धेरै समस्याहरु छन् । जीवन, स्वास्थ्य र समावेशीतामा ३५० मध्ये ५३ प्वाइन्ट पाएको छ ।

दोश्रो सबैभन्दा खराबमा ओक्लाहोमा रहेको छ । ओक्लाहोमामा समग्र स्वास्थ्य ठीक छैन । लागुऔषध दुरुपयोग राष्ट्रको उच्च दरहरू मध्ये एकमा छ । र स्वास्थ्य बीमा नभएका मानिसहरूको दोस्रो उच्च दर रहेो छ । । गर्भपतन प्रतिबन्ध राष्ट्रको सबैभन्दा कडा मध्येमा रहेको छ । आमाको जीवन बचाउन आवश्यक परेको अवस्थामा बाहेक कानुनले गर्भपतन गराउनेलाई पाँच वर्षसम्म कैद सजाय हुने गरी कार्यविधि बनाइएको छ। ओक्लाहोमाले जीवन, स्वास्थ्य र समावेशीतामा ७५ प्वाइन्ट पाएको छ । यद्यपी हावाको गुणस्तर भने राम्रो रहेको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

त्यस्तै जीवन, स्वास्थ्य र समावेशीतामा ७६ प्वाइन्टका साथ लुजियाना तेश्रो खराब राज्यमा सुचिकृत भएको छ भने ८६ प्वाइन्टका साथ अलाबामा र साउथ क्यारोलाइना चौथो स्थानमा छन् । ९८ प्वाइन्टका साथ मिजौरी छैठौंमा, ११३ प्वाइन्टका साथ इन्डियाना सातौंमा र ११५ प्वाइन्टका साथ टेनेसी आठौं नम्बरमा रहेका छन् । ११८ प्वाइन्टका साथ अर्कान्सास नवौं स्थानमा रहेको छ भने १२९ प्वाइन्टका साथ फ्लोरिडा खराब राज्यको सुचीमा दशौं स्थानमा परेको छ । इन्डियाना र लुजियानाबाहेक टपटेनमा पर्ने सबै राज्यको सवल पक्ष हावाको गुणस्तर रहेको छ ।