टर्की र सिरियामा गएको भूकम्पमा परी ८७०० भन्दा बढीको मृत्यु, दक्षिणका १० प्रान्तमा आपतकाल घोषणा
प्रकाशित मिति : माघ २५, २०७९ बुधबार
In this picture taken on February 6, 2023, residents rescue an injured girl from the rubble of a building that collapsed due to an earthquake in Jandaris, in the rebel-held part of Aleppo province. – The death toll from a massive earthquake that struck Turkey and Syria rose above 8,300 on February 8, official data showed, with rescue workers still searching for trapped survivors. (Photo by Rami al SAYED / AFP)
टर्की र सिरियामा सोमबार गएको भूकम्पमा परी ८७०० भन्दा बढीको मृत्यु भएको छ । यो संख्या अझै बढ्ने अनुमान गरिएको छ । टर्कीको आपदा एजेन्सीका अनुसार टर्कीमा कुल मृत्यु हुनेको संख्या ६२३४ पुगेको छ ।
सिरियाली स्वास्थ्य मन्त्रीले सिरियामा मृत्यु हुनेको संख्या पुष्टि गर्न गाह्रो भएको बताए। तर, स्थानीय सञ्चारमाध्यम र उद्धार समूहले २५ सयभन्दा बढी मानिसको मृत्यु भएको बताएका छन् । सरकारको नियन्त्रणमा रहेको क्षेत्रमा १२ सय ५० जनाको मृत्यु भएको छ ।
सिरियाको विद्रोही नियन्त्रित क्षेत्र ह्वाइट हेल्मेटले मृत्यु हुनेको संख्या १२८० नाघेको बताएको छ । उद्धारकर्ताहरूले दक्षिणी टर्की र उत्तरी सिरियामा मानिसहरूलाई बचाउने प्रयास गरिरहेका छन्। उनीहरुसँगै पीडित परिवार पनि उद्धारमा जुटेका छन् ।
टर्कीका राष्ट्रपति रेसेप तैयप अर्दोआनले देशको दक्षिणी भागका १० प्रान्तमा आपतकाल घोषणा गरेका छन् । यो आपतकाल तीन महिनाको लागि हुनेछ।
