अमेरिकी नागरिकता परीक्षाको नयाँ प्रकृया लागु गर्न राष्ट्रव्यापी परीक्षण गरिने
प्रकाशित मिति : मंसिर २८, २०७९ बुधबार
युएससीआईएसले नागरिकताको परीक्षाको नयाँ प्रकृयाका लागि प्रस्तावित परिवर्तनहरूको राष्ट्रव्यापी परीक्षण सञ्चालन गर्ने घोषणा गरेको छ । परीक्षणमा अंग्रेजी बोल्ने भागमा परिवर्तनहरू र सिभिक्स भागमा सामग्री र ढाँचामा अपडेटहरू समावेश हुनेछन्।
परीक्षणले परीक्षणको अँग्रेजी पढाइ वा लेखन भागहरूमा भने परिवर्तनहरू समावेश गर्दैन। अमेरिकी नागरिकताको परीक्षालाई पुन डिजाइन गर्ने र सरोकारवालाहरूको प्रतिक्रियाको आधारमा राष्ट्रब्यापी परीक्षणको विकाश गर्ने युएससीआईएसको भनाई छ ।
कानुनी अध्यागमन प्रणालीहरूमा विश्वास पुनर्स्थापित गर्ने अमेरिकी राष्ट्रपति जो बाइडेनको कार्यकारी आदेशको एक भागका रुपमा यो घोषणा गरिएको हो । बाइडेनको कार्यकारी आदेशले बाधाहरू हटाउन र सबै योग्य व्यक्तिहरूका लागि अमेरिकी नागरिकताको प्रक्रियालाई थप पहुँचयोग्य बनाउन व्यापक समीक्षाको निर्देशन दिन्छ।
यो परीक्षणका लागि युएससीआईएसले वयस्क शिक्षा कक्षामा भर्ना भएका करिब १५ सय व्यक्ति खोजिरहेको छ । समुदायमा आधारित स्वयम्सेवी संस्थाहरूको सहयोगमा परीक्षण सञ्चालन गर्ने युएससीआईएसको भनाई छ । आप्रवासीलाई अंग्रेजी भाषा सिकाउने र ग्रिनकार्डवाहकलाई नागरिकताका लागि तयारी गराउने संस्थाहरुसँग युएससीआईएसले काम गर्नेछ ।
अमेरिकी नागरिकताको परीक्षा प्रणालीमा परिवर्तन गर्नका लागि परीक्षणको नतिजाहरू प्रयोग गर्न सक्ने युएससीआईएसको भनाई छ । यो परीक्षण सन् २०२३ को करिब ५ महिना लागु हुने तय गरिएको छ ।
इच्छुक सामुदायिक संस्थाहरुलाई यो सहकार्यमा भाग लिन युएससीआईएसले प्रोत्साहन गरेको छ । परीक्षणको लागि स्वयम्सेवा गर्ने संस्थाहरुको बारेमा परीक्षण अवधि अघि युएससीआईएसको नागरिकता स्रोत केन्द्रमा एक घोषणा पोस्ट गर्ने युएससीआईएसले जनाएको छ ।
परीक्षणमा भाग लिनु संस्था र व्यक्तिका लागि पूर्ण रूपमा स्वैच्छिक भएको जनाइएको छ । युएससीआईएसले सबै नागरिकता आवेदकहरूलाई हालको नागरिकता परीक्षा परीक्षणको व्यवस्थापन गर्न जारी राख्नेछ । परीक्षणले युएससीआईएस प्राप्त गर्ने कुनै पनि नागरिकता आवेदनहरूलाई असर नगर्ने युएससीआईएसले प्रष्ट पारेको छ ।