अध्यागमनबारे बाइडेनको योजना पुनर्स्थापित गर्न सर्वोच्चबाट अस्वीकार
प्रकाशित मिति : श्रावण ५, २०७९ बिहीबार
सर्वोच्च अदालतले अध्यागमनबारे बाइडेनको योजना पुनर्स्थापित गर्न अस्वीकार गर्दै टेक्सास र लुजियानाका पक्षमा फैसला गरेको छ । आपराधिक रेकर्ड भएका कागजपत्रविहिनलाई रिहा गर्न अनुमति दिनेगरी बाइडेन प्रशासनले जारी गरेका अध्यागमनबारेका निर्देशिकाहरु रोक्ने अनुमति संघीय न्यायाधिसलाई प्रदान गर्ने निर्णय सर्वोच्चले गरेको छ ।
छोटो आदेशमा अदालतले कुनै कारण दिएएको छ । न्यायाधिसहरुले आपतकालिन आवदेनमा निर्णय दिदा कारण नदिनु सामान्य हो । यद्यपी यस वर्ष मुद्दाको पुनरावेदन र तर्कहरू सुन्ने बताएको छ। सर्वोच्चका ९ न्यायाधिसहरुमध्ये न्यायाधिस एमी कोनी ब्यारेट र अन्य तीन उदार न्यायाधिसहरु यो निर्णयमा असहमत भएपनि सर्वोच्चमा ५ जनाको बहुमतले यो निर्णय गरेको छ ।
बाइडेनले गतबर्षको सेप्टेम्बरमा जारी गरेका निर्देशिकामा राष्ट्रिय सुरक्षा, सार्वजनिक सुरक्षा र सीमा सुरक्षामा ध्यान केन्द्रित गर्दै कुन आप्रवासीहरूलाई पक्राउ गर्ने र देश निकाला गर्ने भन्ने निर्णय गर्न प्राथमिकताहरू तोकिएको थियो । साथै पक्राउ गरेर हिराशतमा लिन आवश्यक छ वा छैन भन्ने सन्दर्भमा आइसका एजेण्टहरुलाई तजविज अधिकार समेत दिएको थियो ।
ट्रम्प प्रशासनको व्यापक गिरफ्तारी नीतिहरू उल्टाउने प्रयासका रुपमा बाइडेन प्रशासनले उक्त निर्देशिका जारी गरेको थियो । सर्वोच्चको निर्णयले आइसको संचालन प्रकृयामा नै आमूल परिवर्तन हुने सम्भावना भने छैन । किनभने आइससँग आपराधिक सजाय भएका सबै आप्रवासीहरूलाई थुन्ने क्षमता भने छैन।
यद्यपी अमेरिकी यो अध्यागमनमा बाइडेन प्रशासनको लागि अर्को झट्का हो । किनभने विगतको ट्रम्पकालिन कडा नीतिहरु परिवर्तन गर्न खोज्दा बाइडेन प्रशासनले कानूनी लडाइको ब्यापक सामना गर्नु परिरहेको छ ।
गत सेप्टेम्बरको निर्देशिका कार्यान्वयन हुनबाट रोक्न टेक्सास र लुजियानाले मुद्दा दायर गरेका थिए । जसमा उनीहरूले आपराधिक रेकर्ड भएका धेरै आप्रवासीहरूलाई स्वतन्त्र रहन अनुमति दिदां राज्यको न्याय प्रणालीमा बोझ पर्ने तर्क गरेका थिए ।
टेक्सासको संघीय जिल्ला अदालतका न्यायाधीशले देशभर लागु हुने गरी बाइडेन प्रशासनको निर्देशिका प्रयोगमा रोक लगाउने निर्णय गरेका थिए ।
पछि पाँचौं सर्किट कोर्टले टेक्सासका संघीय न्यायाधिसको निर्णय रोक्न अस्वीकार गरेको थियो ।
बाइडेन प्रशासनले ल्याएको निर्देशिकामा के थियो ?
गत सेप्टेम्बरमा होमल्याण्ड सेक्युरिटी सेक्रेटरी अलेहान्द्रो मेयरकासले हालैमात्र सिमा गैरकानूनी रुपमा सिमा पार गरेका तथा राष्ट्रिय सुरक्षामा खतरा रहेका कागजपत्रविहिनलाईमत्र पक्राउ गर्न आदेश दिएका थिए । यो नियमले सन् २०२० को नोभेम्बर अगाडि अमेरिका आएका कागजपत्रविहिनलाई पक्राउ हुन र देशनिकाला हुनबाट संरक्षण प्रदान गरेको थियो ।
गतबर्षको नियमले यो नियमले सन् २०२० को नोभेम्बर अगाडि अमेरिका आएका कागजपत्रविहिनलाई पक्राउ हुन र देशनिकाला हुनबाट संरक्षण प्रदान गरेपनि सन् २०२० को नोभेम्बर १ पछि मेक्सिको सिमाक्षेत्रबाट गैरकानूनी रुपमा प्रवेश गरेका आप्रवासीहरु भने अपराध नगरेको भएतापनि देशनिकालामा पर्नसक्ने व्यवस्था गरेको थियो ।
अमेरिकाले कागजपत्रविहिन हुँदैमा देशनिकाला नगर्ने उक्त नियममा प्रावधान थियो । साथै अध्यागमन अधिकारीहरुले कुनै पनि व्यक्तिलाई कागजपत्रविहिनमात्र भएको आधारमा पक्राउ गरेर हिराशतमा लिन र देशनिकाला गर्न नसक्ने प्रावधान थियो । इमिग्रेशन एण्ड कस्टम इन्फोर्समेन्ट आइसका अधिकारीहरुलाई राष्ट्रिय र सार्वजनिक सुरक्षामा खतरा भएकाहरुलाईमात्र पक्राउ गर्न र देशनिकाला गर्न निर्देशन दिइएको थियो ।
आतंकवाद वा जासूसीमा संलग्न भएको आशंका गरिएका, गम्भिर प्रकारका अपराधमा संलग्न भएकाहरु र सन् २०२० को नोभेम्बर १ पछि मेक्सिको सिमाक्षेत्रबाट गैरकानूनी रुपमा प्रवेश गरेका आप्रवासीहरुलाई पक्राउ र देशनिकालाको प्राथमिकतामा राखिने व्यवस्था थियो । अमेरिकाको समुदायमा लामो समयदेखि योगदान दिदै आएकाहरु, धार्मिक नेताहरु, कृषिकामदारहरु, अग्रपंक्तिमा खटिने स्वास्थ्यकर्मी कागजपत्रविहिनहरुलाई अबदेखि आइसले पक्राउ गर्न र देशनिकाला गर्न नपाउने व्यवस्था थियो ।
नयाँ निर्देशिका गत नोभेम्बर २९ देखि लागु भएको थियो । त्यस्तै बेइमान रोजगारदाताहरुले आइसमा सुराकी लगाएको आधारमा कुनै पनि कागजपत्रविहिनलाई पक्राउ नगर्ने व्यवस्था थियो । त्यस्ता रोजगारदाताले आइसलाई सुराकी लगाएका कागजपत्रविहिन व्यक्ति मुख्य अपराधमा संलग्न भएको भएमा भने आइसले उनीहरुलाई पक्राउ गर्न र देशनिकाला गर्न सक्ने प्रावधान थियो ।
कागजपत्रविहिनहरुलाई ग्रिनकार्डको बाटोमा लैजान खोजिरहेको अवस्थामा कुनै जोखिम नभएका कागजपत्रविहिनलाई खोज्न र पक्राउ गर्नमा साधनश्रोत नलगाइने मेयरकासले बताएका थिए । अमेरिकामा झण्डै ११ मिलियन कागजपत्रविहिनहरु बस्दै आएका छन् ।