अमेरिकी सिमाक्षेत्रमा गस्ती टोलीबाट बल प्रयोगबाट घटना कम गर्न शक्तिको कटौती
प्रकाशित मिति : माघ २६, २०७८ बुधबार
युएस कस्टम एण्ड बोर्डर प्रोटेक्सन सीबीपीले सिमाक्षेत्रमा गस्ती गर्ने विवादास्पद टोलीको शक्ति र उत्तरदायीत्व घटाउने भएको छ । आप्रवासन अधिकारकर्मीहरुले त्यस्तो टिमले एजेन्टहरुले सिमाक्षेत्रमा आप्रवासीहरुमाथि गरेको दुव्र्यहारलाई लुकाउन मद्दत गरेको बताउँदै आएका छन् ।
सीबीपीले मंगलबार सार्वजनिक गरेको मेमो अनुशार नयाँ मापदण्डहरु जारी गर्दैै क्रिटिकल इन्सिडेन्ट टिम सीटीआईहरुको निगरानी बढाइने भएको छ । सीबीपीको अपरेशन म्यानुअलमा संहितावद्ध नगरिएको र आप्रवासी अधिकारकर्मीहरुले छाया प्रहरीका रुपमा चित्रण गरेको यो टिममाथि सुधार गर्न दवाव बढेको थियो ।
सीआईटी टिममाथि बर्षौदेखि आरोपहरु लगाइदै आएपनि सन् २०१० मा सिमा सुरक्षा गस्तीको हिराशतमा आप्रवासीको मृत्यु भएपछि सुधारको माग तीब्र बनेको थियो । अब शक्तिको प्रयोग लगायतका कैयन विषयमा अफिस अफ प्रोफेसनल रेस्पोन्सिविलिटी ओपीआरलाई सिमा सुरक्षा गस्तीका कैयन कामको पुनरावलोकन गर्न मेमोले बृहत अधिकार दिएको छ ।
सिमा सुरक्षा गस्ती सीआईटी टिमले सिमाक्षेत्रमा कुनै महत्वपूर्ण घटना देखेको अण्डमा अब तुरुन्त अफिस अफ प्रोफेसनल रेस्पोन्सिविलिटी ओपीआरलाई खबर गर्नुपर्नेछ । ओपीआरले कुनै कदम चाल्नुपर्ने वा नपर्नेबारे निर्धारणले गर्नेछ । ओपीआरले कुनै निर्णय नदिएसम्म सिमा सुरक्षा गस्तीले कुनै कदम चाल्न पाउनेछैनन् ।
सिमा सुरक्षा गस्ती ओपीआरले कुनै स्पष्ट निर्देशनविना सिमाक्षेत्रमा आएका आप्रवासीहरुको अन्तरवार्ता गर्न पाउनेछैनन् । सीबीपीले बल प्रयोगका घटना कम गर्न पछिल्लो चरणमा सुपरिवेक्षण र तालिम बढाएको छ ।