मिस वर्ल्डमा अनुस्काले जितिन् ब्यूटी वीथ पर्पोज अवार्ड, टप १२ भित्र पर्न सफल
प्रकाशित मिति : २८ मंसिर २०७६, शनिबार
मिस नेपाल अनुष्का श्रेष्ठले ६९औं संस्करणको मिस वर्ल्डमा ब्यूटी वीथ पर्पोज अवार्ड जितेकी छन्। मंगोलिया, मलेसिया, ट्युनिसिया, भेनेजुएला, भारत, फ्रान्स, नाइजेरिया, भियतनाम र इन्डोनेशियाका युवतीलाई पछि पार्दै उनले उक्त अवार्ड जितेकी हुन् ।
#BeautyWithAPurpose winner is #MissWorld2019 Nepal
— Miss World (@MissWorldLtd) December 14, 2019
हेड टु हेड च्यालेन्जसमेत जितेकी उनी ११२ देशका प्रतिस्पर्धी सुन्दरीमाझ टप ४० मा परेकी थिइन्। अनुष्का मिस वर्ल्डको टप १२ भित्र पर्न सफल भएकी थिइन् । तर टप फाइभमा भने पर्न सकिनन् ।
Joining the top 12 at #MissWorld2019 is Nepal
— Miss World (@MissWorldLtd) December 14, 2019
प्रतिस्पर्धामा मिस वर्ल्डको ताज एक अश्वेत युवतीले पहिरिएकी छिन् । मिस युएसए, मिस टिन युएसए, मिस अमेरिका र मिस युनिभर्सको ताज अश्वेत युवतीले पहिरिए लगत्तै मिस वर्ल्डको ताज पनि अश्वेत युवतीले नै जीत्न सफल भएकी छिन् ।
शनिबार भएको मिस वर्ल्डमा जमैकाकी टोनी आन सिंहले ताज पहिरिइन् । लण्डनको एक्सेल एरिनामा भएको कार्यक्रममा ताज पहिरिएपछि उनले भविश्यमा डाक्टर बन्ने योजना बनाएको जनाइएको छ ।
२३ बर्षकी सिंह फ्लोरिडा स्टेट युनिभर्सिटीबाट मनोविज्ञानमा स्नातक हुन् । उनले मेडिकल स्कुल भर्ना हुने तयारी गरिरहेको मिस वल्र्डको वेवसाइटमा जनाइएको छ ।
प्रतियोगितामा फ्रान्सकी युवती दोश्रो भएकी छिन् भने इन्डियाकी युवती तेश्रो भएकी छिन् ।त्यस्तै मिस वर्ल्ड ओसियाना कुक आइल्याण्ड, युरोप फ्रान्स, क्यारेबियन ट्रिनिडाड एण्ड टोबागोका युवतीले जितेका छन् ।
