Follow @khasokhasmag

कर तिर्ने सहज वातावरण सरकारले मिलाउनु पर्छ :अर्थमन्त्रि खतिवडा


प्रकाशित मिति : आश्विन ८, २०७५ सोमबार

अर्थमन्त्रि डा.युवराज खतिवडाले मुलुकको चालु खर्च आफनै आम्दानीवाट संचालन गर्नका लागि पनि केही रुपमा करको दर बढेको बताउनुभयो ।

उहाँले व्यवसाय गर्नेले आय कर र मुल्य अभिबृद्धि कर तिनै पर्छ तर कर तिर्ने सहज वातावरण सरकारले मिलाउनु पर्नेमा जोड दिनु भयो । संघियताले मुलुकमा खर्च बढाएको र सोको परिपूर्तिका लागि करको दर बढाउनु परेकोे बताउनु भयो ।

बुटवल उद्योग वाणिज्य संघको ६५ औं बार्षिक साधारण सभाको सोमवार बुटवलमा उदघाटन गदैं अर्थ मन्त्री खतिवडाले व्यवसाय गरेर आम्दानी गर्नेले र राज्यवाट सेवा लिनेहरुले सरकारलाई कर तिर्ने पर्ने धारणा राख्नु भयो ।

अर्थमन्त्री खतिवडाले देशमा लगानीमैत्री वातावरण बनाउन सरकारले काम गरिरहेको बताउदै मुलुकमा लगानीमैत्री वातावरण बनाउन आवश्यक कानूनहरु १, २ महिनाभित्र संशोधन भइसक्ने दावि गर्नु भयो ।
अर्थ मन्त्री खतिवडाले संघ, प्रदेश र स्थानीय तह तीनवटै तहको सरकारले निजी क्षेत्रसँग सहकार्य गरेर समृद्धिको बाटोमा अघि बढ्नु पर्नेमा जोड दिनु भयो ।

उहाँले वहुवर्षिय आयोजनामा सरकारको अनुगमन गर्ने परिपार्टी कमजोर रहेको खुलासा गदैं नीजि क्षेत्रले सरकारलाई ताकेता गर्नु पर्नेमा जोड दिनु भयो ।

प्रदेश नम्बर ५ का उद्योग, बन, वातावरण मन्त्री लिला गिरीले उद्योगी व्यवसायीले प्रदेशको राजधानी रहेको बुटवलमा सोको स्थायीत्वका लागि महत्वपूर्ण योगदान दिएकोमा प्रसंशा व्यक्त गदै प्रदेश सरकारले आफनो भौतिक संरचना बनाए पछि उद्योगी व्यवसायीका संरचना फिर्ता गर्ने समेत बताउनु भयो ।

संघका अध्यक्ष खिम बहादुर हमालको सभापतित्वमा भएको कार्यक्रममा नेपाल उद्योग बाणिज्य महासंघका बरिष्ठ उपाध्यक्ष शेखर गोल्छा, जिल्ला नगर उपाध्यक्ष किशोर प्रधान, एशोसिएट उपाध्यक्ष चन्द्र ढकाल तथा केन्द्रिय सदस्य सुरेन्द्र श्रेष्ठ संघका महा सचिव दिनेश श्रेष्ठ सहित बिभिन्न जिल्ला नगर उद्योग वाणिज्य संघका अध्यक्षहरुले उद्योग, पेशा व्यवसाय गर्ने वातावरण नहुदाँ समस्या विकराल भएको भन्दै संघियतासंगै सवै क्षेत्रमा कर बढेको गुनासो राख्नु भएको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com