विश्वकप फुटबलमा शनिबारदेखि नकआउट चरणका खेल : कुन खेल कहाँ ?
प्रकाशित मिति : असार १६, २०७५ शनिबार
![](https://i0.wp.com/www.khasokhas.com/wp-content/uploads/2018/06/FIfa-World-cup-russia-1.jpg?fit=950%2C550&ssl=1)
रुसमा जारी विश्वकप फुटबलमा शनिबारदेखि नकआउट चरणका खेल सुरु हुँदैछन् । समूह चरणमा ३२ देशबिच भएका ४८ खेलबाट १६ टिम प्रि–क्वाटर फाइनलमा आएका छन् ।
शनिबारदेखिको खेलबाट विश्व विजेता बन्ने सम्भावित टिमको संख्या साँघुरिँदै जान्छ । शनिबार दुईवटा खेल हुँदैछन् ।
नेपाली समय अनुसार बेलुका पौने ८ बजे हुने खेलमा फ्रान्सले अर्जेन्टिनासँग प्रतिस्पर्धा गर्नेछ । खेल कजान एरिनामा हुनेछ । फ्रान्स समूह सी को विजेता तथा अर्जेन्टिना समूह डी को उपविजेताको रुपमा अन्तिम १६ मा आएका हुन् ।
यस्तै शनिबार हुने दोस्रो खेलमा पोर्चुगल र उरुग्वेबिच प्रतिस्पर्धा हुनेछ । यो खेल नेपाली समय अनुसार राति पौने १२ बजे सोचीमा हुनेछ ।
उरुग्वे समूह ए को विजेता तथा पोर्चुगल समूह बी को उपविजेताको रुपमा अन्तिम १६ मा आएका हुन् । शनिबारका दुई खेलका विजेताले क्वाटरफाइनलमा प्रतिस्पर्धा गर्नेछन् ।