Follow @khasokhasmag

कारगारमा कैदी बन्दीलाई पनि विश्वकपको रौनक


प्रकाशित मिति : जेष्ठ ३१, २०७५ बिहीबार

रुसमा विहीबारबाट सुरु हुने विश्वकप फुटबलले विश्व तताइरहँदा सिन्धुपाल्चोक कारगारमा कैदी बन्दीलाई पनि विश्वकपको गर्मीले उत्तिकै छोएको छ ।

यसै कुरालाइ मध्यनजर गर्दै जिल्ला समन्वय समिति सिन्धुपाल्चोकले कारगारमा रहेका कैदी बन्दीलाई टेलिभिजन सेट प्रदान गरेको छ ।

विहीबारदेखि रुसमा हुने विश्वकपलाई मध्यनजर गरेर ३२ इन्चको एलईडी टेलिभिजन प्रदान गरेको कारागार व्यवस्था विभाग चौताराका प्रमुख नवराज सेनले जानकारी दिनुभयो ।

जिल्ला समन्वय समितिका प्रमुख कृष्णगोपाल तामाङ्ग र निमित्त समन्वय अधिकारी युग बहादुर खड्काले एक कार्यक्रमकाबीच टेलिभिजन सेट प्रदान गर्नुभएको हो ।

जिल्ला समन्वय समितिको स्टोरमा मौज्दात रहेको टेलिभिजन सेट कारगारलाई प्रदान गरिएको जिल्ला समन्वय समितिका प्रमुख तामाङ्गले बताउनुभएको छ ।

कारगार प्रमुख नवराज सेनका अनुसार हाल जिल्लामा १०० जनाको क्षमता भएको कारगार भएपनि कैदी बन्दी भने ७६ जनामात्र रहेका छन् ।

सुचनाको हक हरेक नागरीकको नैसर्गिक अधिकार भएको र सूचना नपाउनु भनेको मानव अधिकार हनन हुनु भएकाले कैदीबन्दीले सूचना पाउन् भन्ने उदेश्यले टेलिभिजन सेट प्रदान गरेको प्रमुख तामाङ्गले बताउनुभएको छ ।

साथै टेलिभिजनको कारागार विभागले संरक्षण गर्ने र त्यसो नभएको खण्डमा जनप्रतिनिधि आफैंले पनि व्यवस्थापनमा सहयोग गर्ने प्रमुख तामाङ्गले बताउनुभयो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com