Follow @khasokhasmag

५० वर्षपछि अमेरिकाले क्युबामा पठायो राजदूत


प्रकाशित मिति : आश्विन १२, २०७३ बुधबार

अमेरिकी राष्ट्रपति बाराक ओबामाले मङ्गलबार ५० वर्षपछि पहिलो पटक क्युवाका लागि राजदूत नियुक्त गरेका छन्। राष्ट्रपति ओबामाले जेफ्री डेलौरेन्ट्सलाई क्युबाका लागि राजदूत नियुक्त गर्दा आफूलाई गौरव लागेको विज्ञप्तिमार्फत् जनाएका छन्।

जेफ्रीले क्युबामा पुगेर निकै महत्वपूर्ण र नेतृत्वदायी भूमिका खेल्ने ओबामाको विश्वास छ। राजदूतको नियुक्तिपछि पूर्वप्रतिद्वन्द्वी अमेरिका र क्युबाबीचको सम्वन्धमा सुधार आई सामान्य अवस्थामा पुग्ने ओबामाको अपेक्षा छ।

राष्ट्रपतिको कार्यालय ह्वाइट हाउसले निकालेको विज्ञप्तिमा राष्ट्रपति ओबामाले जेफ्रीलाई कुटनीतिक क्षेत्रमा राम्रो दख्खल भएका अनुभवी व्यक्तित्वका रुपमा प्रशंसा गरेका छन्। झन्डै पाँच दशकदेखिको कटु सम्बन्धको अन्त्य गर्दै गत वर्षको जुलाइमा अमेरिका र क्युबाबीचको कुटनीतिक सम्वन्ध पुनःआरम्भ भएको थियो।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com