फ्रान्सेली प्रधानमन्त्री अट्टलले म्याक्रोँको चुनावी अभियानको नेतृत्व गर्ने
प्रकाशित मिति : जेष्ठ ३०, २०८१ बुधबार
Mayor of Bayeux Patrick Gomont (L) greets French President Emmanuel Macron (C) as they attend a ceremony to commemorate the liberation of Bayeux, as part of ceremonies marking the 80th anniversary of the World War II “D-Day” Allied landings in Normandy, in Bayeux, in northwestern France, on June 7, 2024. The D-Day ceremonies on June 6 this year mark the 80th anniversary since the launch of ‘Operation Overlord’, a vast military operation by Allied forces in Normandy, which turned the tide of World War II, eventually leading to the liberation of occupied France and the end of the war against Nazi Germany. (Photo by Benoit Tessier / POOL / AFP)
फ्रान्सका प्रधानमन्त्री इम्यानुएल म्याक्रोँले मध्यावधि निर्वाचनको आह्वान गरेपछि प्रधानमन्त्री गेब्रियल अट्टलको शङ्कास्पद मौनता तोडिएको छ । अनुभवको कमीको बावजुद, अट्टलले आफ्नो नियुक्तिपछि आफूलाई राष्ट्रपतिको एक प्राकृतिक संचारकर्ताको रूपमा देखाउनुभएको छ । केही हदसम्म म्याक्रोँँकोे सम्भावित उत्तराधिकारीको रूपमा पनि हेरिएको छ ।
पैँतीस वर्षीय अट्टल फ्रान्सका सबैभन्दा कान्छा प्रधानमन्त्री हुनुहुन्छ । उहाँले यो अभियानप्रति पूर्ण प्रतिबद्धता जनाए पनि यदि म्याक्रोँको प्रधानमन्त्री परिवर्तन गर्ने निर्णय आएमा उहाँ सबैभन्दा कम सेवा गर्ने प्रधानमन्त्रीमध्ये एक हुनेछन् ।
युरोपेली चुनावमा अति दक्षिणपन्थी गठबन्धनसँग म्याक्रोँको पार्टी पराजित भएपछि सुरुमा लड्ने कुनै इच्छा नभएको बताइए पनि राष्ट्रपति म्याक्रोँलाई फ्रान्सेली विधायिका निर्वाचन अभियान चलाउनुपरेको छ ।
सामान्यतया फ्रान्सेली सञ्चारमाध्यममा सर्वव्यापी रहेका अट्टल सोमबार निर्वाचनको घोषणापछि एयरवेभमा स्पष्ट रूपमा अनुपस्थित हुनुहुन्थ्यो ।
म्याक्रोँले आइतबार टेलिभिजनमा सम्बोधन गर्दै निर्वाचनलाई स्तब्ध पार्ने कदमको संज्ञा दिँदा अट्टलले कुनै टिप्पणी गर्नुभएन ।
उहाँले म्याक्रोँको एक्समा गरेको सम्बोधनलाई पुनः पोष्ट मात्र गर्नुभयो भने ब्रिफिङका लागि माटिग्नोन प्रधानमन्त्रीको निवासमा राखिएको लेक्चर कहिल्यै प्रयोगमा आएन ।
युरोपेली चुनावको परिप्रेक्षमा मध्यावधि चुनावको सम्भावनाको बारेमा प्रारम्भिक छलफलबाट टाढा रहेका अट्टलले म्याक्रोँलाई ‘खतरनाक’ जोखिमको बारेमा चेतावनी दिनुभएको थियो । अट्टललाई निर्णयबारे अन्तमा सूचित गरिएको थियो ।
आइतबार साँझ एलीसी प्यालेसमा सत्तारुढ दलका नेतासँग भएको भेटमा अट्टलले आफू सरकारबाट राजीनामा दिन तयार रहेको तर राष्ट्रपतिको निर्णयलाई समर्थन गरेको बताउनुभएको एक सहभागीले बताए ।
प्रसारणकर्ता बीएफएमटिभीका अनुसार उहाँले म्याक्रोँलाई राजीनामा दिएर संसद विघटन गर्नबाट रोक्न प्रयास गर्नुभएको थियो तर उहाँको प्रयास सफल हुन सकेन ।
“मलाई जे भनिएको छ म त्यही गर्छु,” उहाँले सोमबार आफ्ना एक वार्ताकारसँग बताउनुभयो । नाम नबताउने शर्तमा स्रोतले एएफपीलाई भन्यो, “राष्ट्रपतिलाई अस्वीकार गरिएको छ भन्ने थाहा भए पनि अब उहाँ चुनाव प्रचारमा जान लाग्नुभएको छ ।”
सत्तासीन दलका प्रमुख भ्यालेरी हायरलाई उछिन्न खोजेको आरोप खेपिरहेका अट्टलले युरोपेली चुनावी अभियानमा महत्वपूर्ण भूमिका खेल्नुभएको थियो ।
नेता जोर्डन बार्डेलासँग भएको बहसमा उहाँलाई व्यापक रूपमा पछ्याइएको थियो ।