न्युयोर्कको ज्याक्सनहाइटमा नेपालीका तीनवटा कार्यालय रहेको भवनमा आगलागी

दीपक परियार

---

प्रकाशित मिति : चैत्र ५, २०८० सोमबार

न्युयोर्कको ज्याक्सनहाइटमा नेपालीका तीनवटा कार्यालय रहेको भवनमा आगलागी भएको छ । विहान ११ बजेतिर आगलागी भएको थियो । विद्युत शटबाट आगलागी सुरु भएको आशंका गरियतापनि पुष्टी हुन भने बाँकी रहेको छ ।

७४ स्ट्रीटको ४०१४ मा आगलागी हुँदा झण्डै डेढलाख डलरको क्षति भएको प्रारम्भिक अनुमान गरिएको छ । त्यतीबेला कार्यालयहरु सुरु भइसकेका थिए । अचानक आगलागी भएपछि भवन खाली गरिएको र मानवीय क्षति हुन नपाएको जनाइएको छ ।

घटनामा कोहीपनि घाइते भएका छैनन् । तर कार्यालयहरुमा क्षति पुगेको छ । प्राइम ट्याक्स एण्ड एकान्टिङको मुख्य कार्यालयमा आगलागी भएपछि कार्यालय तत्कालका लागि ७४ स्ट्रीटको ४०१६ भवनमा सारिएको प्राइम ट्याक्सका प्रविन केसीले सामाजिक सञ्जालमार्फत जनाएका छन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

आफूहरु सुरक्षित रहेको र सेवाग्राहीका सबै डाटाहरु पनि सुरक्षित रहेको उनले जनाएका छन् । आफूहरुले नयाँ स्थानमा सारिएको कार्यालयबाट पूर्णरुपमा सेवा दिने समेत उनले जानकारी दिएका छन् ।

उक्त भवनमा शशी अधिकारी संचालक रहेको कस्मिक इन्सुरेन्स र भिसा सम्बन्धि काम गर्ने कार्यलय समेत रहेको जनाइएको छ ।

यो समाचार अपडेटको क्रममा छ । थप जानकारी पछि अपडेट गरिनेछ ।

फोटो: शशी अधिकारी