नेपाल आइपुगे एनआरएनएको समन्वयमा पठाइएका ४२८ अक्सिजन कन्सनट्रेटर
प्रकाशित मिति : जेष्ठ २३, २०७८ आईतबार
गैरआवासीय नेपाली संघ (एनआरएनए) ले सुरु गरेको ‘नेपालमा अक्सिजन पठाऔँ, आफन्तको ज्यान बचाऔँ’ अभियान अन्तर्गत विभिन्न राष्ट्रिय समन्वय परिषद्को समन्वयमा विश्वभर छरिएका संघ–संस्था र नेपाली समुदायको सहयोगमा थप ४ सय २८ अक्सिजन कन्सनट्रेटर काठमाण्डौँ पुगेको छ ।
संघका राष्ट्रिय समन्वय परिषद्को समन्वयमा यूकेबाट १५०, अष्ट्रेलियाबाट १००, क्यानाडाबाट ७५, जर्मनीबाट ३०, दक्षिण कोरियाबाट २०, इटालीबाट १०, चीनबाट ७ र अन्य सँस्थाका तर्फबाट ३६ वटा अक्सिजन कन्सनट्रेटर नेपाल पठाइएको गैरआवासीय नेपाली संघ अध्यक्ष कुमार पन्तले जनाएका छन् ।
ति सामग्री लैजान चीनस्थित नेपाली दूतावास र गैरआवासीय नेपाली संघ राष्ट्रिय समन्वय परिषद् चीनले खरिद प्रकृयामा सहयोग गरेका थिए भने ढुवानी खर्च नेपाल सरकारले बेहोरेको थियो ।
गैरआवासीय नेपाली संघ (#NRNA) को “नेपालमा अक्सिजन पठाऔँ, आफन्तको ज्यान बचाऔँ” अभियानअन्तर्गत थप ४२८ अक्सिजन कन्सन्ट्रेटर काठमाडौँ पुगेका छन्।
संघका राष्ट्रिय समन्वय परिषद्को समन्वयमा
यूके १५०
अस्ट्रेलिया १००
क्यानाडा ७५
जर्मनी ३०
द. कोरिया २०
इटाली १०
चीन ७अन्य संस्थाबाट ३६। pic.twitter.com/rylGb9cCLY
— Kumar Panta (@kumarpanta1) June 6, 2021
यसैगरी, गैरआवासीय नेपाली संघ अफ्रिका क्षेत्रबाट इलाम देखि जुम्ला सम्मका विभिन्न १३ जिल्लाका २८ अस्पताल र स्वास्थ्य केन्द्रमा १४५ अक्सिजन सिलिन्डर खरिद सहित ११५० रिफिल अक्सिजन सिलिन्डर र स्वास्थ्य सामाग्री हस्तान्तरण गरिएको छ ।
दुर्गम क्षेत्रमा सिलिन्डर पठाउने अभियान जारी रहेको एनआरएनएले जनाएको छ । विश्वभरबाट प्राप्त बाँकी आर्थिक सहयोगबाट संघले सातै प्रदेशमा अक्सिजन प्लान्ट स्थापना गर्ने तयारी समेत गरेको छ ।
गैरआवासीय नेपाली संघले संघको अभियानमार्फत सहयोग गर्ने विदेशस्थित दूतावास, कूटनीतिक नियोग, संघका राष्ट्रिय समन्वय समिति लगायत विभिन्न नेपाली संघसंस्था तथा आम गैरआवासीय नेपालीप्रति आभार व्यक्त गरेको छ ।