नेटफ्लिक्स सिरिज ‘द मिडनाइट क्लब’ मा नेपाली मूलका युवा सौरियन सापकोटा मुख्य भूमिकामा
प्रकाशित मिति : माघ २०, २०७७ मंगलबार
नेटफ्लिक्स सिरिज ‘द मिडनाइट क्लब’ मा अमेरिका निवासी नेपाली मूलका युवा सौरियन सापकोटाले अभिनय गर्ने भएका छन् । उक्त सिरिजमा सापकोटा मुख्यमध्येका एक कलाकार रहेको जनाइएको छ ।
१९ वर्षीय उनी हाल न्युयोर्क युनिर्भसिटीमा अभिनय मुख्य विषय लिएर दोस्रो वर्षमा अध्ययनरत छन् । उक्त सिरिज क्रिस्टोफर पाइकको बेस्ट सेलिङ उपन्यास द मिडनाइट क्लबमा आधारित रहेको र केही महिनामा नै छायांकन सुरु हुने जनाइएको छ ।
माइक फ्लानागन र लेह फंगले निर्देशन गर्ने उक्त सिरिजका मुख्य कलाकारको नाम फ्लानागनले सोमबार ट्वीटरमार्फत घोषणा गरेका थिए । जसमा सौरियन सापकोटाको नाम समेत उल्लेख गरिएको छ ।
Portraying the titular club of terminally ill young adults is an amazing group of young actors. The Midnight Club is made up of Adia, Igby Rigney, Ruth Codd, William Chris Sumpter, Aya Furukawa, Annarah Shephard and Sauriyan Sapkota. And joining them…
— Mike Flanagan (@flanaganfilm) February 1, 2021
यो सिरिज क्रिस्टोफर पाइकको उपन्यासमा आधारित रहेको छ भने यो हरर सिरिज हो । १० भागको यो सिरिजमा तर्साउने कथाहरुलाई समेटिएको छ ।
यो सिरिजको छायांकन क्यानडामा हुने र त्यसका लागि सौरियनले न्युयोर्क युनिभर्सिटीबाट एक सेमेस्टर विदा लिनुपर्ने उनका पिता डाक्टर सञ्जिव सापकोटाले जनाएका छन् ।
सौरियन अभिनयमा आफ्ना पिता सञ्जिवबाटै प्रभावित भएको जनाइएको छ । सापकोटाको पुख्यौली थलो नेपालको बिराटनगर हो । अमेरिकामा उनीहरु लरेन्सभिल जर्जियामा बस्दै आएका छन् ।
सौरियन सापकोटाले निर्देशन, अभिनय र सम्पादन गरेको सर्टमुभी :
