नयाँ बर्षको प्रतिबद्धता : सबैखाले भाइरसबिरुद्ध लडौं


प्रकाशित मिति : पुस १८, २०७७ शनिबार

– चमेली परियार

जिरोको अर्थ जिरो नै हो । तर यो एकदमै शक्तिशाली सानो बृत्तसँग सम्बन्धित छ । सन् २०२० अर्थात जिरो वर्ष । मेरा लागि निकै ठूलो पाठ बन्यो । भोगाई आफ्नै आफ्नै हुन्छ तर मेरो भोगाई मेरै लागि सिक्न लायक बन्यो ।

मैले जीवनको ठूलो पाठसिकेर अगाडी बढ्ने अवसर पाएँ । जुन अब जिन्दगी जिउने शुत्र बनेको छ । धेरैपटक कालसँग ठोक्कीएकी मलाई यसपाटक मृत्युलाई नजिकबाट नियाल्ने तथा आफ्नो र पराई छुट्टाऊने नजिकवाट मौका मिल्यो । मलाई लाग्छ यो मौका म जस्तै धेरै मानिसलाई मील्यो ।

सधै उदारवादी ढंगबाट सोच्ने म उदार र अनुदार दुबै तरिकाबाट सोच्ने भएँ । तर यति धेरै अनुदार पनि भएकी छैन । तर घात गरेर साथ छोडनेहरूसँग फेरी हात मिलाउन नपरोस् । मलाई मन नपराउनेहरु र पछाडि कुरा काट्नेहरुलाई भुलेरपनि मेरो नजिक नआउन सल्लाह छ ।

जीवनभर कमाएर सन्तुलित गरेका साथीभाई, आफन्त ,पैसा,स्वास्थ्य ,सामाजिक संबन्ध सबैकूरा छानिदै गयो । मानवता नभएकाहरूले सन् २०२० मा सबै जिरोमा पुर्याइदिए । म फेरी एकबाट सुरुवात गर्न बाध्य भएँ ।

यदि हुदा हुदै पनि यो वर्षले मलाई आफू बलियो ? भएको आभाष दिलायो । आफैलाई चिनायो । सत्य र न्यायको बाटोमा हिड्ने मानिसलाई सिधा र सामनेबाट होईन पछाडिबाट र अरूलाई हतियार बनाएर आक्रमण गर्ने रहेछन् । यो कुराको अनुभूति दिलायो ।

भाइरस ? भन्दा पनि खतरनाक पछाडिबाट छुरा रोप्नेहरु हुँदा रहेछन् । त्यस्तो बेला लाग्यो कि स्याबासी र घात सधै पछाडीबाटै मिल्नेरहेछ । त्सकारण आफ्नो ढाड ,खुट्टा र मन मजबूत राख्नुपर्ने रहेछ । आफनो घरातलबाट डगमगाउन नहुने रहेछ । यो सन् २०२० को सिकाई भएको छ ।

हुनत अक्सर मानिसहरू दुखको वेलामा नै साथ छोड्छन् । तर मलाई उनीहरुसँग कुनै गुनासो छैन । सबै कूरा सुरुवात गरेर नयाँ धार ल्याउन पूरानो धार मेटिनु नै उपयुक्त हुन्छ । तर संसारको टाढा टाढा कूनामा भएर पनि मेरो हरेक सुखदुखमा साथ दिने र मलाई हैसला दिने केवल नेपाली सुन्दर मनका धनिहरूप्रति म सधै आभार छु । धन्वयाद व्यक्त गर्दछु ।

तिनै सुन्दर मनहरुको साथले नै आफूलाई एक्लो भएको अनुभव हुँदैन । मलाई अरुको खुशीमा रमाइलो लाग्छ । आगामी दिनमा पनि म कसैको खुशीमा बाधा बन्ने छैन । यो मेरो सन् २०२१ का लागि प्रतिवद्धता हो । मेरो त्यस्तो प्रवृत्ति पनि छैन । आफ्नो र सत्य मानिसहरूको खुशीलाई बलि चढ्न दिने छैन ।

कोरोना भाइरसबिरुद्धमात्र होइन फरक खालका भाइरसबिरुद्धपनि लड्ने समय यही हो । प्रतिष्ठा, खुशी र स्वास्थ्य जीवनका लागि अगाडि बढौं । नयाँ बर्ष २०२१ को शुभकामना ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com