KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas KHASOKHAS E-MAGAZINE

कैलालीको पूर्वी क्षेत्रका २० घर डुबानमा

प्रकाशित मिति : असार १९, २०७७ शुक्रबार

कैलालीको पूर्वी क्षेत्र डुबानमा परेको छ । विभिन्न नदी र खोलामा आएको बाढी गाउँघरमा पसेर डुबान भएको हो । बिहीबार राति भारी वर्षा भएपछि नदी र खोलाहरूमा बाढी आएको छ । वर्षाका कारण भजनी नगरपालिका, बर्दगोरिया गाउँपालिका, जोशीपुर गाउँपालिका र घोडाघोडी नगरपालिकामा केही घर डुबानमा परेको जिल्ला प्रहरी कार्यालय कैलालीले जानकारी दिएको छ ।

कार्यालयका प्रहरी नायब उपरीक्षक प्रतीक विष्टका अनुसार काँढा नदीमा बाढी आउँदा जोशीपुर गाउँपालिका–३ राजीपुर र वडा नम्बर ४ फरिया गाउँमा गरी करिब २० घर डुबानमा परेको छ । घरमा दुई फिटमाथिसम्म पानी पुगेको जनाइएको छ ।
यसैगरी, फरियास्थित हिरालाल चौधरीको घरमा पानी पस्दा कच्ची घर भत्केको विष्टले जानकारी दिनुभयो । ‘घरका सबै सदस्यलाई सुरक्षित स्थानमा सारिएको छ’, उहाँले भन्नुभयो, ‘घरबाहेक अरु क्षति भएको छैन ।’

यसैगरी, बर्दगोरिया गाउँपालिका–६ स्थित बासकोटी (घैला) खोलामा बाढी आउँदा खोला किनारमा रहेको करिब १६ घर डुबानमा परेको छ । बाढीले एउटा गोरु र स्थानीयले पोखरीमा पालेको माछा बगाएको प्रहरी नायब उपरीक्षक विष्टले जानकारी दिनुभयो ।
यस्तै, घोडाघोडी नगरपालिका–२ टनकपुरमा लक्ष्मी न्यौपानेको घर पनि डुबानमा परेको जिल्ला प्रहरी कार्यालयले जानकारी दिएको छ ।

भजनी नगरपालिका–१ र ३ वडामा पनि केही घर डुबानमा परेका छन् । डुबानमा परेका घरको विवरण सङ्कलन गर्ने कार्य भइरहेको इलाका प्रहरी कार्यालय भजनीका इन्चार्ज जनक धामीले बताउनुभयो । ‘यी वडाहरूमा पहिलेदेखि डुबान भइरहन्छ’, उहाँले भन्नुभयो, ‘घर डुबेपनि ठूलो समस्या भएको छैन । प्रहरीको टोली त्यसतर्फ खटेको छ ।’

Loading...

राति भएको भारी वर्षाका कारण जिल्लाको पूर्वी क्षेत्रमा रहेको काँढा, कान्द्रा, पथरैयालगायत नदीमा बाढी आएको जनाइएको छ । भजनी नगरपालिकाको केही भूभाग जलमग्न भएको वडा नम्बर १ का स्थानीय गङ्गाराम चौधरीले बताउनुभयो ।

भिडियो हेर्नुहोस्

Loading...

थप रोचक शीर्षकहरु

KHASOKHAS TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com