न्यूयोर्कमा भर्चुअल रुपमा अन्तर्ध्वनि लोकार्पण
प्रकाशित मिति : जेष्ठ २७, २०७७ मंगलबार
अन्तराष्ट्रिय नेपाली साहित्य समाज न्यूयोर्क च्याप्टरको आयोजनामा अनेसास न्यूयोर्ककी पूर्ब अध्यक्ष साहित्यकार पूनम काफ्लेको नवौं कृति कथा संग्रह “अन्तर्ध्वनि” को “भर्चुअल” लोकार्पण गरिएको छ ।
भर्चुअल लोकार्पण गरिएको “अन्तर्ध्वनि “नेपाली साहित्य जगतमा नै पहिलो कृति भएको छ।
दुई दशकदेखि अनवरत रूपमा साहित्य सृजनामा समर्पित पूनम काफ्लेका प्रकाशित कृतिहरू -भावना ,छायाँ छवि,परदेशिएका पाईलाहरू,जून तारा ,अन्तर्धारा, गीतहरु हुदैँ अन्तर्ध्वनि सम्म प्रकाशित हुन आएको छ।
महाबाणिज्यदूत पुष्पराज भट्टराई , अ ने सा स केन्द्रका अध्यक्ष राधेश्याम लेकाली, अ ने सा स ट्रष्टी अध्यक्ष आदरणिय साहित्यकार गीता खत्री, कथाकार मधुवन पौडेल, साहित्यकार डा. मधु माधुर्य , जगदिश उपाध्याय पूर्ब च्याप्टर अध्यक्षहरू आदरणिय साहित्यकार ज्योती पौडेल, बिकाश बिष्ट, राजेन्द्र श्रेष्ठ लगायत च्याप्टर का सदस्यहरू सल्लाहकार र साहित्यकार रश्मी भट्ट, उपाध्यक्ष शान्ता घिमिरे , राजन महर्जन, जानुका वस्ति ढकाल , मेनका पराजुली, सिर्जना लामा, सोभा गौतम , पूर्व पदाधिकारी बेदा आचार्य ,साहित्यकार सिता खरेल, समालोचक /साहित्यकार रश्मि भट्ट, साहित्यकार बिनोद रोका, साहित्यकार किशन सिंह धामी किरण काफ्ले साथै अन्य साहित्य अनुरागीहरुको पनि उपस्थित थियो।
उपस्थित सम्पूर्ण सहभागीहरुले कथाकार पूनम काफ्लेलाई बधाई ज्ञापन गर्नुभएको थियो भने नेपालबाट जोडिनु भएका अतिथि राधेश्याम लेकाली र मधुवन पौडेल साथै अतिथि पुष्पराज भट्टराई गीता खत्री जगदिश उपाध्याय लगायत सबैले आ आफ्नो भावनाहरु व्यक्त गर्नु भएको थियो ।
अंतर्ध्वनि कथा संग्रहको समीक्षा गर्दै डा. मधु माधुर्यले पूनम काफ्लेको कृतिमा समाबेस भएका बीस वटा कथाका बारेमा प्रष्ट पार्दै कथामा निहित मधुर भाव ,मानबिय समबेदना, पुराना र नयाँ सोचको द्वन्द ,रुढीवादी समाज भित्रका बाध्यताहरू, सेरोगेट पिताको महानता, तेस्रो लिंगी समाजले भोग्नु परेको पीडा, बिदेशिएर झेल्नु परेको दुख, पुरुष हृदयको कोमल पन, आदिको बारेमा प्रकाश पार्नु भएको थियो ।
उपस्थित पूर्व अध्यक्षहरू लगायात च्याप्टरका सदस्यहरुले पनि कथाकार पूनम काफ्लेलाई शुभकाना र बधाई दिनु भइ बिदेशी परिवेशमा लेखिएको अन्तर्ध्वनि कृति लोकापर्ण भएकोमा खुशियाली व्यक्त गर्नु भएको थियो।
सहभागीहरुले काफ्ले लाई लेखन आख्यानमा एकदम राम्रो भएकोले वहाँबाट नेपाली साहित्य भण्डारले उपन्यास पनि छिट्टै पाउने आशा र शुभकामना ब्यक्त गर्नु भएको थियो। श्रस्टा काफ्लेका श्रीमान किरण काफ्लेले सर्जकलाई बधाई दिनु हुदै उक्त कथा संग्रहबाट एक हरफ़ कथा पढेर सबैलाई सुनाउनु भएको थियो ।
अनेसास न्यूयोर्क च्याप्टरका महासचिब साहित्यकार राजन महर्जनले कार्यक्रम संचालन गर्नुभएको थियो भने अध्यक्ष शकुन ज्ञवालीले पूनम काफ्लेको मिलनसार,सौम्य शालीन ,सकारात्मक व्यक्तित्वको चर्चा गर्दै उपस्थित पाहुनाहरु र लाइभ कार्यक्रम हेरिरहने सबैमा धन्यबाद ज्ञापन गर्दै कार्यक्रम समापन गर्नुभएको थियो।