विभेद विरूद्व !
प्रकाशित मिति : जेष्ठ १२, २०७७ सोमबार
– शरद पौडेल
ए ब्राह्मणवादी बुख्याँचा!
म जाजरकाेटे बिश्वकर्मा,
नवराज बिश्वकर्मा,
जातीय विभेद र छुवाछूत बिरूद्वकाे फिलुङ्गाे
प्रेमिल ह्रृदयकाशकाे याैटा जिवात् ।
शुष्मिल ह्रृदयकाे सुमधुर गीत ।
मसंग थिएनन्
तँसंग जस्ता जातीय छुद्रताहरू ।
तँ भित्र जस्ता अविवेकी ज्ञानहरू ।
हाे! मभित्र थिएनन्
तँ भित्र जस्ताे कलुषित पशुत्व
र, मर्यादाहीन दानबियता ।
ए, कलंक मानवताका !
ए, स्वघाेषित पुज्य !
म नवराज विश्वकर्मा
तेरा शास्त्रकाे पैतालोबाट जन्मेकाे धुलाे ।
तर,
तर मेरै पाैरख र सिर्जनामा त फूलिस् तँ पनि
मेरै सेवाहरूबाट त हुर्किईस् र बढिस् तँ पनि ।
मेरा पसिनाहरूमा हुर्किएकाे तँ
मेरा पाैरखहरूमा माैलाएकाे तँ
कसरी निर्माणीईस् यति धेरै निकृष्ट र निर्दयी
कसरी बनिस यति धेरै क्रुर र अाततायी
बिना कुनै बिठ्याँई
शुष्मील छातीमा, फूलीहेकाे म भिरफूल
तेराे कथित जातीय उच्चताले
तेरा बिद्रुप अमानवीय क्रुरताले
सहेन मेराे प्रेमकाे ईन्द्रेणी र च्यातिस्
पचेन मेराे खुला अाकाश र ढाकिस् ।
तर नबिर्सि दुष्ट बुख्याँचा !
याे त हाम्राे समय हाे
याे पाैरखी र सिर्जितहरूकाे समय हाे
हाे! याे त नबराजहरूकाे समय हाे ।
ताेड्दै तेरा षडयन्त्रहरू
मनुवादी जातीय उचनिचहरू
म त प्रेमकाे सुन्दरतामा, उच्चतामा
निहारीरहेकै छु अझपनि
प्रेमिल अाँखाहरूबाट दुनिया
प्रितकाे सर्बोच्चताबाट सिङ्गै बम्हाण्ड ।
अहँ,
तैंले साेचे जसरी म मरिरहेकाे छैन
बरू जीईरहेकाे छु काेटीकाेटीहरूमा
प्रेमिल उच्चताका साथ शान्त ह्रृदयमा ।
तेरा जातीय श्रेष्ठताकाे बिरूद्व
बिल्कुलै मानवतामा,
त्यसकै सर्बोच्चतामा ।
(जाजरकोटका नवराज विश्वकर्मा, जस्ले जातीय विभेद तोड्दै प्रेम गरे बापत मृत्यु उपहार पाए ! कथित जातीय उच्चताका अहँकारीहरूले उनलाई कुटपिट गरेर मारे। हार्दिक श्रद्वा सुमन- नवराज विक)