एकपटक चेक गर्दा डिभी लोटरीमा छनौट नभए बारम्बार चेक गर्नु नपर्ने
प्रकाशित मिति : बैशाख २८, २०७६ शनिबार
अमेरिकी सरकारको आधिकारिक वेवसाइटमा गएर चेक गर्दा एकपटक डिभी लोटरी नपरेको खण्डमा सोहीबर्षका लागि बारम्बार चेक गर्नु नपर्ने अमेरिकी सरकारको विदेश मन्त्रालयले स्पष्ट पारेको छ । सन् २०२० का लागि डिभी लोटरी भरेकाहरुले मे ७ देखि अमेरिकी विदेशमन्त्रालयको ब्यूरो अफ कन्सुलर अफेयर्सको वेवसाइटमा गएर आफूलाई डिभी लोटरी परे नपरेको चेक गर्न सक्छन् ।
डिभी लोटरी परे नपरेको यहाँ चेक गर्नुहोला ।
तर एकपटक चेक गर्दा नपरेमा पुन चेक गर्दा पर्ने सम्भावना नहुने अमेरिकी सरकारले स्पष्ट पारेको छ । अतिरिक्त नम्बरहरुको छनौट गरिएको खण्डमा भने छुट्टै सुचना जारी गरेर अमेरिकी सरकारले त्यसबारे जानकारी दिनेछ ।
डिभी लोटरीको कन्फर्मेशन नम्बर हराएको खण्डमा भने नाम, जन्ममिति र इमेल ठेगाना मार्फत कन्फर्मेशन नम्बर प्राप्त गर्नसकिनेछ । सोमबारदेखि हराएको कन्फर्मेशन नम्बर प्राप्त गर्न सकिने अमेरिकी सरकारले स्पष्ट पारेको छ ।
कन्फर्मेशन नम्बर हराएमा यहाँ क्लिक गरेर प्राप्त गर्नुहोला ।
डिभीको कन्फर्मेशन नम्बर सन् २०२० को सेप्टेम्बरको अन्त्यसम्म आफूसँग राख्न अमेरिकी सरकारले सुझाव दिएको छ । डिभी लोटरीका लागि चालु आर्थिक बर्षका लागि प्रयाप्त भिसा जारी नभएको खण्डमा थप नम्बरहरु छनौट गर्नसक्ने सम्भावना समेत रहन्छ ।