वेष्ट डायस्पोरा अवार्ड नायक बस्नेतलाई


प्रकाशित मिति : भाद्र १०, २०७४ शनिबार

नेपाली सिनेमा चर्चित नायक बिक्रान्त बस्नेत वेष्ट डायस्पोरा नायक अवार्डबाट सम्मानित भएका छन् । नेपाली सिनेमामा सक्रिय नायक बस्नेत अमेरिकास्थित डेनभर क्लोराडोमा सम्पन्न दोश्रो ग्लोबल नेपाली फिल्म अवार्डमा सम्मानित भएका हुन् ।

डेढ दशकदेखी नेपाली चलचित्र क्षेत्रमा काम गर्दै आएका बस्नेत हाल न्यूयोर्क निवासी हुन् । उनले आफुले पाएको सम्मान सम्पूर्ण नेपाली सिनेमाका दर्शकहरुको माया भएको बताएका छन् ।

बस्नेतले खसोखाससंग भने मैले गरेको मेहेनत नेपाली सिनेमालाई माया गर्ने दर्शकले मन पाईदिनुभयो, त्यही मायाले अमेरिकामा सम्पन्न ग्लोबल अवार्डबाट सम्मानित भएँ । यस्तै माया पाईरहुँ, भोलीका दिनमा तपाईहरुलाई थप सिनेमाहरु लिएर आउने छु ।

बस्नेतले दिपक रायमाझीद्धारा निर्देशित चलचित्र बज्रपात, शोभित बस्नेतको मिसन लभ इन सिक्किम र बारुद, मुकेश दाहालको चलचित्र पल पलमा, मदन घिमिरेको मिस्टर डन, सुमित्र श्रेष्ठको प्रेम युद्ध लगायतका दर्जनौं सफल चलचित्रमा अभिनय गरेका छन् ।

उनि हाल अमेरिकामा बिभिन्न सामाजिक क्षेत्रमा समेत सक्रिय रहेर आफ्नो अभिनयलाई निरन्तरता दिएका छन् । उनले अमेरिकामा छायाँकन गरेर नयाँ चलचित्र बनाउने बताएका छन् ।

 

 

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com