Follow @khasokhasmag

खसोखास साप्ताहिकसहित प्रधान र श्रेष्ठ सम्मानित


प्रकाशित मिति : भाद्र ९, २०७४ शुक्रबार

नेपाली समाज र अन्य क्षेत्रमा योगदान दिने दुईजना र एक संस्थालाई न्युयोर्कमा सम्मान गरिएको छ । एन एण्ड जे इन्टरटेन्मेन्ट इन्क अमेरिकाले त्यस्तो सम्मान प्रदान गरेको हो । नेपाली महावाणिज्यदूतावास न्युयोर्कका महावाणिज्यदूत मधुकुमार मरासिनीले सम्मानपत्र हस्तान्तरण गर्नुभएको हो ।

न्युयोर्कको ज्याक्सनहाइटमा रहेको सत्यनारायण मन्दिरमा आयोजित कार्यक्रममा सर्वसाधारणलाई विश्वसनीय सुचना प्रदान गरेबापत अमेरिकाको सबैभन्दा उत्कृष्ट नेपाली म्यागाजिनका रुपमा खसोखास साप्ताहिकलाई सम्मान गरिएको थियो । जसको सम्मानपत्र प्रधानसम्पादक किशोर पन्थीले ग्रहण गर्नुभएको थियो । खसोखास साप्ताहिक विदेशबाट नेपाली भाषामा प्रकाशित भइरहेको पहिलो साप्ताहिक म्यागेजिन हो ।

त्यस्तै एनआरएन बोर्ड सदस्य बिष्णुमान प्रधानलाई पनि कार्यक्रममा सम्मान गरियो । सन् २०१५ को महाभुकम्पमा आमासहित परिवारका कैयन सदस्य गुमाएका प्रधानको सामाजिक कार्यको प्रसंसा गर्दै सम्मानपत्र प्रदान गरिएको हो । त्यसैगरी भगवान बुद्धबारे अनुसन्धानमुलक पुस्तक लेख्ने डाक्टर कविताराम श्रेष्ठलाई कार्यक्रममा सम्मान गरिएको थियो । उहाँको उपन्यास लाइट अफ द हिमालयज बुद्धले बुद्धत्व प्राप्त गरेको विषयमा विश्वसनीय श्रोत बनेको छ । डाक्टर मधुकृष्ण श्रेष्ठले कविताराम श्रेष्ठका तर्फबाट सम्मान ग्रहण गर्नुभएको थियो ।

फोटो : अशोक पन्त

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com