सुनिता शर्माको ‘क्लाइडस्कोप अफ लाइफ’, अहिलेसम्म बिक्रिबाट साढे २ लाख, पचास प्रतिशत रकम महिला शशक्तिकरणमा

प्रकाशित मिति : भाद्र १८, २०७३ शनिबार

अमेरिकाको न्युयोर्क निवासी साहित्यकार सुनिता शर्मा बसुधाको कविता संग्रह क्लाइडस्कोप अफ लाइफ (जीवनको बहुरुपदर्शक) बजारमा आएको छ । शर्माको यो पहिलो पुस्तक हो ।

१७० पृष्ठको यो पुस्तकमा ७० वटा कविताहरु संग्रहित छन् । उनका कवितामा प्रकृति, आध्यात्म, जीवन दर्शन, प्रेम, भावना, मानव अधिकार, महिला शशक्तिकरण लगायतका विषयहरु झल्किन्छन् ।

‘आइ एम अ वुमन’ र ‘आइ एम अ वुमन अफ द ट्वान्टी फस्ट सेन्चुरी’ शर्माका सिग्नेचर कविताहरु हुन् ।

महिला शशक्तिकरणको विद्यार्थी सुनिता शर्माले यसै सम्बन्धी अध्ययन र महिला शशक्तिकरणका पक्षमा काम गर्दै आएकी छिन् ।

महिलाले पनि आफ्नै तरिकाले पुरुषसरह बाँच्नुपर्छ भन्ने सहअस्तीत्वको पक्षमा रहेकी सुनिता नारीवादी साहित्यकार हुन् । तर उनी भन्छिन् – ‘म पुरुषको विरुद्धमा छैन । नारी र पुरुष सहयात्रीको रुपमा हातेमालो गर्दै अगाडि बढ्नुपर्छ । तर हामी पाटृरनरको रुपमा जान सक्छौं सहयात्रीको रुपमा हातेमालो गर्दै अगाडि बढ्नुपर्छ । कोही सुपेरियर छैन र कोही इन्फेरियर छैन ।’

Sunita

पुस्तकको विमोचन गर्दै एनआरएन अध्यक्ष शेष घले ।


कवितासँग्रहको विमोचन एनआरएनएका अध्यक्ष शेष घलेले गरेका थिए । संसारभरका एनआरएन नेताहरु उपस्थीत एनआरएनएको न्युजर्सी क्षेत्रीय सम्मेलनमा कवितासँग्रहको लोकार्पण गर्न पाउँदा आफूलाई निकै खुशी लागेको साहित्यकार शर्माले बताइन् । उनले भनिन् – ‘यस्तो ग्लोबल फोरममा पुस्तक विमोचन गर्न पाउँदा अझ शशक्तिकरणको अनुभव भएको छ ।’

कवितासँग्रहको विमोचन गर्दै घलेले सुनिता शर्मालाई बधाई तथा शुभकामना दिएका थिए । पुस्तक बिक्रिबाट संकलित ५० प्रतिशत रकम एनआरएनको महिला शशक्तिकरण कोषमा जाने र त्यो रकम महिला शशक्तिकरणमा खर्च हुने सुनिताले घोषणा गरेकी छिन् ।

अहिलेसम्म झण्डै २ लाख पचास हजार रुपैयाको पुस्तक बिक्रि भइसकेको छ भने महिला शशक्तिकरण कोषमा त्यसबाट झण्डै १ लाख २५ हजार रुपैया जानेछ ।

लुलु प्रेसले प्रकाशन गरेको पुस्तकको मुल्य सिधा किन्दा १० डलर र अनलाइनमा किन्दा पाँच डलर राखिएको छ । पुस्तक अमेजन लगायतका अनलाइनहरुमा किन्न सकिन्छ

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com