Follow @khasokhasmag

डिभी २०२० र २०२१ का विजेतालाई भिसा जारी गर्न प्रविधि जडान, पुनरावेदनको फैसलाको प्रतिक्षा


प्रकाशित मिति : श्रावण १४, २०७९ शनिबार

डिभी २०२० र २०२१ का विजेतालाई भिसा जारी गर्न अमेरिकी सरकारले आवश्यक प्रविधि जडान गरिसकेको जनाएको छ । विदेश मन्त्रालयको ब्यूरो अफ कन्सुलर अफेयर्सले सबै अदालतमा पेश गरेको कागजातमा विगतका बर्षका डिभीलाई प्रकृयामा लैजानका लागि प्रविधिमा आवश्यक सुधार गरिसकेको जनाइएको छ ।

अदालतले सेप्टेम्बरसम्म आवश्यक प्रविधि जडान गर्न दिएको आदेश अनुरुप विदेश मन्त्रालयले प्रविधि तयारी अवस्थामा राखेको छ । उक्त सफ्टवेयर विदेशमा रहेका सबै दूतावास र कन्सुलर पोष्टमा अपलोड गरिसकिएको विदेश मन्त्रालयले स्पष्ट पारेको छ ।

डिभी २०२० र २०२१ का ३६ हजार ८७२ केसहरुलाई प्रकृयामा लैजाने ब्यूरो अफ कन्सुलर अफेयर्सको भनाई छ । विदेश मन्त्रालयको प्रणालीमा ती केसहरु अहिले निष्कृय केसका रुपमा रहेको जनाइएको छ । तर विगतका बर्षको डिभी प्रकृयामा लैजान अदालतको आदेश आएको खण्डमा १५१ वटा दूतावास र कन्सुलर पोष्टहरुमा अनलाइन प्रणालीमाफर्त ती केसहरुलाई सकृय बनाइने जनाइएको छ ।

त्यसपछि विश्वभरका दूतावास र कन्सुलर पोष्टहरुले विगतका बर्षहरुको डिभी विजेताहरुलाई भिसा जारी गर्न सक्नेछन् । हरेक कन्सुलर पोष्टमा एउटा स्क्रीप्ट डाटाबेसमा चलाएर भिसा जारी गर्ने तयारी गरिनेछ । यो स्क्रीप्ट डाटाबेसमा चलाउन केही मिनेट लाग्ने ब्यूरो अफ कन्सुलर अफेयर्सले जनाएको छ ।

तर भिसा जारी गर्नका लागि पुनरावेदन अदालतले आदेश दिन आवश्यक छ । अमेरिकी विदेश मन्त्रालयले पुनरावेदनको फैसला नआएसम्म डिभी २०२० र २०२१ का विजेतालाई भिसा नदिने स्पष्ट पारिसकेको छ । डिभी २०२० र २०२१ का भिसा संरक्षण गर्ने अदालतको आदेशविरुद्ध बाइडेन प्रशासनले पुनरावेदन गरेको छ ।

अमेरिकी दूतावास काठमाडौं

विदेश मन्त्रालयको नीतिलाई गैरकानूनी ठहर गर्ने अदालतको आदेशमा गलत तरिकाले कानूनको व्याख्या गरिएको आफूहरुको विश्वास रहेको अमेरिकी विदेश मन्त्रालयको भनाई छ । तोकिएको डेडलाइनभन्दा पनि पछिसम्म डिभी विजेतालाई भिसा जारी गर्नुपर्ने अदालतको आदेशविरुद्ध पुनरावेदनको फैसला नआएसम्म भिसा जारी नगरिने जनाइएको हो ।

अदालतको आदेश अनुशार विगतका डिभीलाई प्रकृयामा लैजान अमेरिकी विदेश मन्त्रालयले प्रणालीमा आवश्यक परिमार्जन गर्न आवश्यक भएको र अदालतको आदेशको पालना गर्न परिमाजर्न गरिने विदेश मन्त्रालयको भनाई छ । तर अदालतले स्थगनलाई स्वीकार गरेकाले पुनरावेदनको फैसला नआएसम्म भिसा जारी गर्न आवश्यक नभएको विदेश मन्त्रालयले बताएको छ ।

सन् २०२१ को अगस्त १७ मा अदालतले डिभी २०२० का ९०९५ भिसा संरक्षणका लागि आदेश दिएको थियो । त्यसपछि अक्टोबर २३ मा जारी गरिएको आदेशमा यी भिसाहरु सन् २०२२ को सेप्टेम्बर ३० अगाडि जारी गर्न आदेश दिइएको थियो । तर अप्रिल ५ मा पुनरावेदनको निर्णय नआउँदासम्म भिसा जारी सुरु गर्न नपर्नेगरी अदालतले आदेश दिएको थियो ।

केन्टकी सर्भिस सेन्टर

सेप्टेम्बर २७ मा अदालतले कार्यकारी आदेशका कारण भिसा जारी हुन नसकेका २७ दुतावास र पोष्टका लागि डिभी २०२१ का ९६६ भिसा संरक्षणका लागि आदेश दिएको थियो । अक्टोबर २० मा यी भिसाहरु सकभर छिटो जारी गर्न आदेश दिइएपनि अप्रिल ६ को आदेशमा पुनरावेदनको फैसला नआउँदासम्म भिसा जारी गर्न प्रतिक्षा गर्नसकिने व्यवस्था गरिएको थियो ।

त्यस्तै सेप्टेम्बर ३० को आदेशमा ६ हजार ९ सय १४ भिसा संरक्षणको आदेश दिइएको थियो । तर अप्रिल १८ मा अदालतले पुनरावेदनको निर्णय नआउँदासम्म भिसा जारी गर्नु नपर्ने निर्णय गरेको थियो । त्यस्तै सेप्टेम्बर ३० कै आदेशमा ४८१ भिसा संरक्षणको आदेश दिएपनि अप्रिल ६ को आदेशमा अदालतले पुनरावेदनको निर्णय नआउँदासम्म भिसा जारी गर्नु नपर्ने निर्णय गरेको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com