Follow @khasokhasmag

अमेरिकामा बलिउडको प्रवद्र्धनमा चम्किदै विनोद


प्रकाशित मिति : असार १७, २०७४ शनिबार

अमेरिकामा बलिउडका विभिन्न चर्चित कलाकारहरुको शो हुने गर्छ । भारतीयहरुको बाक्लो बसोबास रहेको न्युजर्सीमा भारतीय शोहरु निकै धेरै हुने गर्छन् । त्यस्ता प्राय शोमा आजभोलि एकजना नेपाली युवालाई देख्न सकिन्छ । उनी बलिउडका शोहरुको प्रबद्र्धनका लागि खटिइरहेका हुन्छन् । न्युयोर्क, न्युजर्सी र कनेक्टिकटमा बलिउडको शो हुँदा चर्चित शोहरुमा चर्चित भारतीय सेलिब्रेटीहरुसँगै देखिने ती युवा हुन् विनोद दाहाल ।

कनेक्टिकटमा बस्दै आएका विनोद १२ बर्ष अगाडि अमेरिका आएका हुन् । अमेरिका आएको अर्कोबर्षदेखि नै उनी बलिउडका शोहरुमा आबद्ध हुन थाले । अहिले त न्युयोर्क, न्युजर्सी र कनेक्टिकटमा कुनै बलिउडको शो हुँदा उनको खोजीमात्र हुँदैन उनी आफै त्यस्ता शोहरुको आयोजना समेत गर्न थालेका छन् ।

अहिलेसम्म २० वटा भन्दा ठूला बलिउड शोका प्रोजेक्टहरुमा काम गरिसकेका बिनोदले साना र मिडियम खालका गरी १ सय भन्दा धेरै बलिउड शोका प्रोजेक्टहरुमा काम गरिसकेका छन् । आशा भोस्ले, करन जोहर, कैट्रिना कैफ, आलिया भाट, सिद्धार्थ मल्होत्रा, अभिषेक बच्चनदेखि जोली मुखर्जीसम्मको शोको प्रवद्र्धनमा उनी खटिएका छन् । जोली मुखर्जीसहित पाँचजना कलाकारको शो त जुनको दोश्रो साता उनी आफै प्रत्यक्ष हिभागी भएर आयोजना गरेका थिए ।

शो वा अन्य कामका शिलशिलामा झण्डै आधा बलिउड जस्तोसँग उनी सम्पर्कमा रहिरहन्छन् । न्युयोर्क, न्युजर्सी र कनेक्टिकटमा हुने शोको बजारप्रबद्र्धनदेखि कलाकारको टिम म्यानेजमेन्टसम्मका खटिन्छन् उनी ।

झण्डै ११ बर्षदेखि बलिउडको प्रबद्र्धनको क्षेत्रमा सकृय भएपनि उनी नेपाली समुदायमा भने खासै परिचित छैनन् । भारतीय कलाकारसँग र भारतीय कम्युनिटीसँग काम गर्ने भएकाले नेपाली समुदायले त्यती नचिनेको उनको भनाई छ ।

बलिउडको प्रबद्र्धनमात्र उनको मुख्य पेशा होइन । उनी सौन्दर्यसँग सम्बन्धित सामाग्रीहरुको ब्यापारमा संलग्न छन् । तर बच्चैदेखि गीतसंगितको पारखीमात्र नभएर आफैले समेत गीत गाउने भएकाले उनलाई मनोरञ्जनको क्षेत्रमा ब्यापार गर्न रुची बढेको हो ।

काठमाडौं बुढानिलकण्ठमा घर भएका बिनोदले भानुभक्त मेमोरियल स्कुल पानीपोखरीमा अध्ययन गरेका थिए । पढाईकै शिलशिलामा अमेरिका आएपनि उनलाई भने बिजनेशप्रति रुची थियो । घरपरिवारका सबैजना एकेडेमिक क्षेत्रमा भएकाले आफूलाई भने बिजनेशको क्षेत्रमा अगाडि बढ्ने इच्छा जागेको बताउँछन् उनी । तर उनी बलिउडको क्षेत्रमा भने फ्रिल्यान्सरका रुपमा मात्र काम गर्छन् । उनी कुनै कार्यक्रममा सेलिब्रेटी चाहिएमा , रिबन काट्नु परेमा, सेलिब्रेटीले भाषण दिनु परेमा वा उपस्थीति आवश्यक परेमा विभिन्न कम्पनीसँग मिलेर सेलिब्रेटी उपलब्ध गराउने काम समेत गर्छन् उनी ।

अहिले जुन स्तरको काम भइरहेको छ त्यो भन्दा ठूलो स्तरमा जाने उनको योजना छ । बलिउडका टप कलाकारहरुका साथमा अब आफ्नै पृष्ठभूमीका साथ टप लेभलको कार्यक्रम गर्ने उनको योजना छ । साथै बलिउडका शोमा नेपाली दर्शकहरुलाई पनि उपस्थीत गराउने उनको योजना छ । त्यस्तै नेपाली कलाकारलाई पनि बलिउडका शोमा बलिउडका सेलिब्र्रेटीसँगै स्टेश शेयर गराउनुपर्नेमा उनी सकारात्मक छन् । भन्छन् –‘नेपालीले बलिउड मन पराउनुहुन्छ तर कलाकार आएको थाहा नपाएर कार्यक्रममा सहभागी हुन सक्नुभएको छैन । भविश्यमा नेपालीहरुलाई दर्शकका रुपमामात्र होइन, नेपाली कलाकारलाई बलिउडका कलाकारसँगै अमेरिकाको स्टेजमा समेत ल्याउनुपर्छ । ’

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com