KHASOKHAS ON GOOGLE NEWS Fact Checking Stories of Hope Resource Center Donate to Khasokhas KHASOKHAS MAGAZINE Terms of Service/Privacy Policy (English)

संगीत सुन्दा उठेर नाच्छिन् कोरोना र स्पानिस फ्लुलाई जीतेकी १०८ बर्षकी अन्ना

प्रकाशित मिति : श्रावण २९, २०७७ बिहीबार

अमेरिकाको न्युजर्सीमा बस्दै आएकी अन्ना डेलले सेप्टेम्बरको पहिलो साता १०८ औं जन्मदिन मनाइन् ।  उनले आफ्नो जीवनकालमा दुईवटा ठूलाठूला महामारीलाई जीतिसकेकी छिन्, एउटा सन् १९१८ को स्पानिस फ्लु र एउटा अहिलेको कोरोना महामारी ।

सन् १९१८ को स्पानिस फ्लुको बेलामा उनी झण्डै ६ बर्षकी थिइन् । त्यतीबेला उनी न्युयोर्कको बु्रकलिनमा बस्दै आएकी थिइन् । ब्राइटन गार्डेन प्रशासनका अनुशार त्यतीबेला उनलाई स्पानिस फ्लुको संक्रमण भयो । कोरोनाले जस्तै स्पानिस फ्लुले पनि स्वासप्रश्वासमा नै आक्रमण गथ्र्यो । तर उनले स्पानिस फ्लुलाई जितेरै छाडिन् ।

एकसयबर्ष पुग्दासम्म समेत दिनमा झण्डै एकमाइल हिडेर साथीहरुलाई म्याकडोनाल्डमा भेटेर कफी खाने अन्ना अहिले पनि कुनै संगीत सुन्नासाथ उठेर नाच्न थाल्छिन् ।

जुन महिनामा उनी कोरोना संक्रमणबाट निको भएकी थिइन् । उनलाई ज्वरो आउने, खाना नरुच्ने र खोकी लाग्ने भएको थियो । तर उनलाई कहिलेपनि भेन्टिलेटर वा अक्सिजनको आवश्यकता परेन । उनलाई अस्पताल पनि लैजानु परेन । उनी आराम गरेर र घरमै हेरचाहबाट निको भइन् । उनलेमात्र होइन, न्युयार्कको क्वीन्समा बस्ने उनकी १०५ बर्षकी बहिनीले समेत कोरोनालाई जीतेकी छिन् । अन्नाकी बहिनीले स्पानिस फ्लुलाई पनि जीतेकी थिइन्, जतिबेला उनी झण्डै ४ बर्षकी थिइन् ।

आफ्ना पतिका साथमा अन्ना । उनका पति दिवंगत भइसकेका छन् ।

अन्ना डेल सन् १९१२ मा जन्मिएकी हुन्, जुन बर्ष टाइटानिक जहाज डूबेको थियो । उनका बाबुआमा दुबै बहिरा थिए । उनीहरुसँग इसारालेमात्र कुरा गर्न सकिन्थ्यो ।

उनका स्वर्गीय पति फ्रयांक प्रोफेशनल ट्यांगो डान्सर थिए । त्यसैले अन्ना डेललाई अहिले पनि गीत संगीतमा खास रुची रहेको छ । अन्ना अहिले पनि नाच्न निकै रुचाउँछिन् । जब उनलाई स्पानिस फ्लुकाबारेका सोधिन्छ, उनी दादुराका बारेमा समेत कुरा गर्न थाल्छिन् ।

उनी अहिले पनि निकै खुशी रहेकी छिन् । आफ्ना पतिसँगका नाचगानका क्षणहरु उनी अहिलेपनि याद गरिरहन्छिन् ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Resource Person: Bishwa Bahadur Shah
Goodwill Ambassador: Yam Baral
Magazine Layout: Deel Gurung

Contact Us

© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com