महराले सभामुख र सांसदबाट राजिनामा दिनुपर्ने निर्णय, कानुनसम्मत तरिकाले अगाडि बढ्दै प्रहरी
प्रकाशित मिति : आश्विन १४, २०७६ मंगलबार
सभामुख कृष्णबहादुर महरालाई एक महिलाले आफुमाथि दुर्व्यवहार गरेको आरोपको घटनामा प्रहरीले कानुनसम्मत तरिकाले नै अगाडि बढ्ने प्रतिबद्धता जनाएको छ । महिलाले प्रहरीलाई घटनाबारे खबर गरेपछि डीएसपीको नेतृत्वमा नै प्रहरीले उक्त स्थलमा पुगेर तत्कालको अवस्थाको भिडियो खिचेर लगेको थियो ।
प्रहरी महानिरिक्षक सर्वेन्द्र खनालले आफूहरु कानुनसम्मत तरिकाले नै अगाडि बढ्ने खसोखासलाई बताए । यसबारे अनुसन्धान भइरहेको समेत प्रहरीले जनाएको छ । यसैबीच नेकपाको केन्द्रीय सचिवालयको बैठकले महराले सभामुख र प्रतिनिधिसभा सदस्यबाट राजिनामा दिएर छानविन प्रकृयालाई सघाउनुपर्ने निर्णय गरेको छ ।
संसद् सचिवालयमै काम गर्दै आएकी एक महिला कर्मचारीले सभामुखले आइतबार साँझ दुर्व्यवहार गरेको आरोप लगाएकी हुन् ।
महराले आफुमाथि दुर्व्यवहार गरेको भन्दै नयाँ बानेश्वरस्थित प्रहरी वृत्तमा पुगेकी थिइन् ।