के हो नेपालका परराष्ट्रमन्त्री ज्ञवाली र अमेरिकी राष्ट्रपति ट्रम्पबीचको एक मिनेट लामो भेट


प्रकाशित मिति : आश्विन ८, २०७६ बुधबार

नेपालका परराष्ट्रमन्त्री प्रदीप कुमार ज्ञवाली र अमेरिकी राष्ट्रपति डोनाल्ड ट्रम्पका बीच भएको एकमिनेट लामो भेट अमेरिकी राष्ट्रपतिले हरेक बर्ष आयोजना गर्ने रिसेप्सनका क्रममा हो । संयुक्त राष्ट्र संघको महासभामा उपस्थित राष्ट्रप्रमुख तथा प्रतिनिधिहरुलाई दिएको रात्री भोजका अमेरिकी राष्ट्रपतिलाई भेटेर हात मिलाउने र फोटो खिचाउने अवशर दिइन्छ ।

परराष्ट्रमन्त्री प्रदीप ज्ञवाली र उहाँकी पत्नी सरस्वती ज्ञवालीले अमेरिकी राष्ट्रपति डोनाल्ड ट्रम्प र प्रथम महिला मेलानिया ट्रम्पलाई रिसेप्सनमा भेटेर तस्वीर खिचाएका हुन् । परराष्ट्रमन्त्री ज्ञवालीले ट्रम्पलाई नेपाली पोशाक दौरा, सुरुवाल, कोट र टोपी लगाएर भेटेका थिए । यसअगाडि प्रधानमन्त्री केपी ओलीले पनि दौरा, सुरुवाल, कोट र टोपी लगाएर नै भेटेका थिए । तर तत्कालिन प्रधानमन्त्री माधवकुमार नेपाल, डाक्टर बाबुराम भट्टराई लगायतले भने अमेरिकी राष्ट्पतिलाई टाइसुटमा भेटेका थिए ।

संयुक्त राष्ट्रसंघ महासभाका बेलामा अमेरिकी राष्ट्रपतिले राष्ट्रप्रमुखहरुका लागि रिसेप्सेन पार्टीको आयोजना गर्ने प्रचलन रहेको छ । जस अनुशार विभिन्न देशका राष्ट्रप्रमुख दम्पत्ति र अमेरिकी राष्ट्रपति दम्पत्तिको फोटो सेसन हुने गर्छ । यो रिसेप्सनमा नेपालका परराष्ट्रमन्त्रीलाईमात्र नभएर सबै देशका राष्ट्रप्रमुखहरुलाई अमेरिकी राष्ट्रपतिले १ देखि २ मिनेट वा त्यो भन्दा अझ कम समय भेट्ने कार्यक्रम रहेको थियो ।

यो रिसेप्नसमा सबै देशका राष्ट्रप्रमुखसँग सामान्य हालखबर सोध्ने र फोटो खिच्नेमात्र काम हुन्छ । यद्यपी आफूले महत्व दिएका राष्ट्रप्रमुखहरुलाई अमेरिकी राष्ट्रपतिले रिसेप्सेन कार्यक्रम बाहेक अरु समयमा छुट्टै भेटघाट समेत गर्ने गर्छन् ।

परराष्ट्रमन्त्री ज्ञवाली दम्पत्तिलाई ढोका बाहिरसम्म छोड्न राष्ट्रसंघका लागि नेपाल मिसनको कार्यालय न्युयोर्कका कर्मचारीहरु र अन्य अधिकारीहरुले साथ दिएका थिए । त्यसपछि ज्ञवाली दम्पत्तिले भित्र पसेपछि आफ्नो पालो आउनासाथ अमेरिकी राष्ट्रपति ट्रम्प दम्पत्तिलाई भेटेका थिए । यो भेटमा सञ्चै हुनुहुन्छ ? भनेर सामान्य व्यक्तिगत हालखबर सोध्नेबाहेक अरु कुराकानी हुँदैन ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com