नेपालको संविधान दिवसमा अमेरिकी राष्ट्रपति र विदेशमन्त्रीको शुभकामना
प्रकाशित मिति : आश्विन ३, २०७६ शुक्रबार
अमेरिकी राष्ट्रपति डोनाल्ड जे ट्रम्पले संविधान दिवसको शुभकामना व्यक्त गर्दै अमेरिका र नेपालबीचको सात दशक पुरानो सम्बन्ध अझ सुदृढ हुने विश्वास व्यक्त गर्नुभएको छ ।
स्वतन्त्र एवम सार्वभौम नेपालको विकास तथा सबै नेपाली नागरिकको समृद्धिका निम्ति अमेरिका सहयोग गर्न दृढ रहेको बताउँदै राष्ट्रपति ट्रम्पले प्राथमिकताका साझा क्षेत्रमा दुई देशबीचको साझेदारी रहने विश्वास व्यक्त गर्नुभएको छ ।
त्यस्तै अमेरिकी विदेशमन्त्री माइक पम्पिओले पनि संविधान दिवसको शुभकामना दिनुभएको छ । उहाँले अमेरिकी सरकार र अमेरिकी जनताको तर्फबाट नेपालीहरुलाई संविधान दिवसको शुभकामना दिनुभएको हो ।
अमेरिका र नेपालबीच ७ दशक लामो सम्बन्धको स्मरण गर्दै उहाँले एउटा सार्वभौम, स्थीर र समृद्ध देशका रुपमा नेपालको विकाशमा निरन्तर सहयोग गर्ने अमेरिकाको प्रतिबद्धता समेत जनाउनुभएको छ ।