न्युजर्सीको एसाइलम अफिस नेवार्कमा सारिने, म्यानहटनमा स्याटेलाइट अफिस
प्रकाशित मिति : आश्विन २, २०७६ बिहीबार
न्युजर्सीको नेवार्कमा रहेको एसाइलम अफिसले कार्यालयको जनशक्ति समायोजन, दक्षता बृद्धि र एसाइलम आवेदकलाई सुविधाजनक पहुच प्रदान गर्नका लागि आगामी बर्ष २ वटा महत्वपूर्ण कदम चाल्ने भएको छ ।
लिण्डहस्र्टमा रहेको एसाइलमको मुख्य अफिस नेवार्कमा १०० मलबेरी स्ट्रीटमा स्थानान्तरण गरिने भएको छ । नेवार्क अफिसले म्यानहटनको २०१ भेरिक स्ट्रीटमा रहेको संघीय भवनमा स्याटेलाइट अफिस समेत स्थापना गर्ने भएको छ । यो दुइवटै काम आर्थिक बर्ष २०२० को अन्त्यतिर वा २०२१ को सुरुसम्मका पूरा हुने अपेक्षा गरिएको छ ।
एसाइलमका आवेदनमा रहेको ब्याकलग सम्बोधन गर्नका लागि बृद्धि गरिएका एसाइलम अफिसरहरुको व्यवस्थापनका लागि यो विस्तार आवश्यक रहेको युएससीआइएसले जनाएको छ । यो कदमसँगै धेरैभन्दा धेरै एसाइलम अफिसरहरुलाई धेरै अन्तरवार्ताहरुका लागि स्थान उपलब्ध हुने जनाइएको छ ।
अहिले नेवार्क अफिसबाट सकारात्मक एसाइलमका आवेदन, नकरा आवेदनहरु, क्रेडिबल फियर अन्तरवार्ताहरुमा काम गरिदै आएको छ । एजेन्सीको आवश्यकता अनुशार अफिसको कार्यभार निर्धारण गरिने र प्राथमिकता अनुशार आवेदनहरु स्थानान्तरण हुने अपेक्षा गरिएको छ ।