Follow @khasokhasmag

गत जुलाई अगाडि एक्स्ट्राअर्डिनरी आवेदन दिएकाले ग्रिनकार्ड फाइल गर्न पाउने


प्रकाशित मिति : आश्विन १, २०७६ बुधबार

१ जुलाई २०१९ भन्दा अगाडि एक्स्ट्राअर्डिनरी आवेदन आई १४० फाइल गरेकाहरुले अक्टोबरमा ग्रिनकार्ड आवेदन आई ४८५ समेत फाइल गर्न पाउने भएका छन् । अक्टोबरको भिसा बुलेटिनमा रहेको फाइल गर्ने मितिलाई नै युएससीआईएसले सदर गरेपछि यो अवशर आएको हो ।

सेप्टेम्बरसम्म भने १ अक्टोबर २०१७ भन्दा अगाडिका आवेदकलाईमात्र ग्रिनकार्ड फाइल गर्न दिइएको थियो । अक्टोबरमा झण्डै २१ महिना कुनुपर्ने अवधि घटेर ३ महिनामा झरेको छ । अब अमेरिकामा नै रहेका आई १४० आवेदन स्वीकृत भइसकेका १ जुलाई २०१९ भन्दा अगाडि प्राथमिकता मिति भएकाहरुले अक्टोबरमा ग्रिनकार्ड आवेदन दिनसक्ने भएका छन् । उनीहरुले ग्रिनकार्ड नआउँदासम्म वर्क परमिट लिएर काम गर्न वा एड्भान्स परोल लिएर यात्रा गर्नसमेत पाउनेछन् ।

त्यस्तै अमेरिकामा नै रहेका र आई १४० पेन्डिङ अवस्थामा रहेका १ जुलाई २०१९ भन्दा अगाडि प्राथमिकता मिति हुनेहरुले पनि अक्टोबरमा आई ४८५ ग्रिनकार्ड आवेदन दिनसक्नेछन् । यो आधारमा उनीहरुले वर्क परमिट लिएर काम गर्न र एड्भान्स परोल लिएर यात्रा गर्न समेत सक्नेछन् ।

अमेरिकाबाहिर हुनेहरुका सन्दर्भमा यदि आई १४० आवेदन स्वीकृत भइसकेको छ भने उनीहरुको भिसा प्रकृया नेशनल भिसा सेन्टरले दूतावासमार्फत अगाडि बढाउनेछ । तर आई १४० पेन्डिङ अवस्थामा रहेका र अमेरिकाबाहिर हुनेहरुका लागि भने यसले खासै असर गर्नेछैन ।

खासगरी अमेरिकामा नै रहेका र कानुनी स्टाटस जोगाइराख्ने झन्झटमा परेकाहरुलाई भने अक्टोबरदेखि केही सहज हुने भएको छ । यसअगाडि अमेरिकामा भिजिटर भिसामा आएर एक्स्ट्राअर्डिनरी ग्रिनकार्ड फाइल गर्न लगभग असम्भव अवस्था सृजना भएको थियो । तर अक्टोबरको जस्तो अवस्था कायमै रहेमा अमेरिकामा भिजिटर भिसामा आएर पनि एक्स्ट्रा अर्डिनरी ग्रिनकार्ड फाइल गर्न सम्भव हुनेछ ।

भिजिटर लगायतका गैर आप्रवासी भिसा अमेरिकाबाट फर्कने कुराको ग्यारेन्टी भइसकेपछिमात्र प्रदान गरिने भएकाले सामान्यतया त्यस्तो भिसामा अमेरिका गएको ९० दिनसम्म कुनै पनि आप्रवासी सुविधाका लागि आवेदन दिन नपाइने नियम रहेको छ । अक्टोबरको जस्तो अवस्था कायम रहेमा भिसाको अवधि थपेर एक्स्ट्रा अर्डिनरी ग्रिनकार्डका लागि आवेदन दिनसकिने अवस्था आउनसक्ने कानुनविदहरु बताउँछन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com