Follow @khasokhasmag

देशनिकालाको विरोध गर्ने अमेरिकी अध्यागमन न्यायाधिसलाई जरिवाना र सेवामा प्रतिबन्ध


प्रकाशित मिति : आश्विन १, २०७६ बुधबार

सन् २०१६ को देशनिकालाको एउटा सुनुवाईका क्रममा तत्कालिन राष्ट्रपति उम्मेदवार हिलारी क्लिन्टनको अध्यागमन योजनालाई प्रोत्साहन गरेको आरोपमा एकजना अमेरिकी अध्यागमन न्यायाधिसलाई जरिवाना र ३० महिना सरकारी सेवामा प्रतिबन्ध लगाइएको छ । उनले ह्याच एक्टको उल्लंघन गरेको आरोपमा एकहजार डलर जरिवाना समेत गरिएको छ ।

देशनिकालाको सामना गरिरहेका र पुन अमेरिकाप्रवेशका लागि १० बर्षको प्रतिबन्धको सामना गरिरहेका एकजना आप्रवासीको सुनुवाईका क्रममा उनले त्यस्तो सजायको विरोध गर्दै हिलारी क्लिन्टनले जितेमा त्यस्तो कानुनमा परिवर्तन ल्याउने बताएकी थिइन् । डेमोक्र्याट्सहरुले सिनेटमा बहुमत ल्याएमा कानुन ल्याउने सम्भावना रहेको समेत उनले सुनुवाईका क्रममा बताएकी थिइन् । तर सन् २०१६ को चुनावमा ह्वाइट हाउस र सिनेट दुबैमा रिपब्लिकनको जीत भएको थियो ।

पूर्व अध्यागमन न्यायाधिस कार्मने डेपाउलोबिरुद्ध युएस अफिस अफ स्पेशल काउन्सिलले फिराद दर्ता गराएको थियो । सन् २०१८ को जुनमा उनीबिरुद्ध ह्याच एक्टको उल्लंघन गरेको आरोपमा मुद्दा दर्ता गराइएको हो । ह्याच एक्टले अमेरिकामा संघीय कर्मचारीहरुलाई संघीय कार्यस्थलमा रहेको बेलामा वा ड्युटीमा रहेको बेलामा राजनीतिक गतिविधिमा संलग्न हुन रोक लगाउँछ ।

डेपाओले अमेरिकाको क्यालिफोर्नियामा रहेको अध्यागमन अदालतमा काम गरेकी थिइन् । उनले कहिलेदेखि जागिर छाडिन् भन्नेबारे केही बताइएको छैन । तर सन् २०१७ मा उनले १ लाख ७२ हजार १ सय डलर तलब पाएकी थिइन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com