यो साता ३४ हजार बढी आप्रवासीलाई अमेरिकी नागरिकता प्रदान गरिदै

यो साता अमेरिकाको नागरिकता दिवस र संविधान दिवसको अवशरमा ३४ हजार भन्दा धेरै आप्रवासीहरुलाई अमेरिकी नागरिकता प्रदान गरिने भएको छ । जसमा नेपालीहरु समेत रहेको युएससीआईएसले जनाएको छ ।

सेप्टेम्बर १३ देखि २३ सम्म अमेरिकाका विभिन्न स्थानमा हुने ३१६ समारोहमा उनीहरुलाई अमेरिकी नागरिकता प्रदान गरिएको छ । अमेरिकी नागरिकताका लागि आवेदन दिएर स्वीकृत भइसकेकाहरुलाई उक्त समारोहमा सपथग्रहण गराइनेछ ।

यसै क्रममा मंगलबार न्युयोर्कको रकफेलर सेन्टरमा ३३ देशका ५० जना आप्रवासीहरुलाई अमेरिकी नागरिकता प्रदान गरिदै छ । युएससीआईएसले मंगलबार विहान साढे १० बजे आयोजित सपथ समारोहमा उनीहरुलाई स्वागत गर्न लागेको हो ।

मंगलबार नागरिकता प्राप्त गर्नेहरुमा नेपाली समेत रहेको युएससीआईएसले जनाएको छ । बंगालादेश, भारत, नेपाल लगायतका देशबाट आएर म्यानहटन, ब्रोंक्स र न्युयोर्क सिटीका विभिन्न क्षेत्रमा बसोबास गर्नेहरुलाई नागरिकता प्रदान गर्न लागिएको हो ।

सेप्टेम्बर १७ मा अमेरिकामा संविधान दिवस र नागरिकता दिवस मनाइदैछ । सन् १७८७ सेप्टेम्बर १७ मा अमेरिकी संविधानमा हस्ताक्षर गरिएको थियो । तर अमेरिकामा संविधान दिवस भने सन् १९४० देखि मनाउन लागिएको हो ।

सन् १९५२ देखि अमेरिकामा नागरिकता दिवस मनाउन थालिएको थियो । पछि संविधान सप्ताहका रुपमा मनाउन थालिएको हो । युएससीआईएसले संविधान दिवस र नागरिकता दिवसका अवशरमा नागरिकता प्राप्त गरेका तस्वीरहरु सामाजिक सञ्जालमा शेयर गर्न प्रोत्साहित गरेको छ ।

अमेरिकी नागरिकता प्राप्त गर्नका लागि विभिन्न योग्यताहरु पूरा गर्नुपर्छ । सामान्यतया ग्रिनकार्ड प्राप्त गरेको ५ बर्षमा अमेरिकी नागरिकताका लागि योग्य हुने प्रावधान रहेको छ ।

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
Contributing Editor : Bhupendra Thapa
© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com