Follow @khasokhasmag

विमानस्थलबाट फर्काइएका हार्भर्डका विद्यार्थीले पाए अमेरिका प्रवेशको अनुमति


प्रकाशित मिति : भाद्र १८, २०७६ बुधबार

अगस्त अन्तिम साता अमेरिकी विमानस्थलबाटै फिर्ता पठाइएका एकजना १७ बर्षीय विद्यार्थीलाई अमेरिकाको अध्यागमनले पुन अमेरिका प्रवेशको अनुमति दिएको छ । अमेरिकाको हार्भर्ड विश्वविद्यालयमा अध्ययनका लागि आउँदै गरेका स्माइल अजाबीलाई गत साता अध्यागमन अधिकारीहरुले विमानस्थलबाटै फिर्ता गरिदिएका थिए । दूतावासबाट अमेरिकाको भिसा पाइसकेका उनलाई विमानस्थलबाटै फिर्ता पठाइएको थियो ।

तर अमेरिका पुन प्रवेशको अनुमति पाएपछि सोमबार उनी हार्भर्ड विश्वविद्यालयमा आइपुगेका थिए । उनलाई विमानस्थलबाट फकाइएपछि हार्भर्ड विश्वविद्यालयले समस्या समाधानका लागि विद्यार्थीका परिवार र सम्बन्धित सरकारी निकायसँग समन्वय गरेको थियो ।

ती विद्यार्थीले अमेरिका प्रवेशमा रोक लगाउने सबै प्रावधानहरुमा विजय प्राप्त गरेकाले उनलाई विद्यार्थी भिसामा प्रवेश गर्न अनुमति दिइएको युएस कस्टम एण्ड बोर्डर प्रोटेक्सनले जनाएको छ । तर उनलाई कुन कारणले रोकिएको थियो र पछि कुन कारणले प्रवेश अनुमति दिइयो भन्नेबारे केही बताएको छैन । तर कारण भने खुलाएको छैन । ती विद्यार्थी १७ बर्षका लेबनानमा बस्दै आएका प्यालेस्टाइनी हुन् ।

उनलाई बोस्टनको अन्तर्राष्ट्रिय विमानस्थलमा अध्यागमन अधिकारीहरुले अगस्त २३ मा फोन र ल्यापटप चेक गरेपछि भिसा रद्द गरेर फिर्ता पठाएका थिए । उनलाई फिर्ता पठाउनु अगाडि ८ घण्टा हिराशतमा लिइएको थियो । त्यो अवधिमा उनलाई फोन, ल्यापटप खोल्न लगाएर झण्डै ५ घण्टा खानतलासी गरिएको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com