अस्थायी रुपमा देशनिकाला स्थगन गर्ने अगस्त ७ पछिका मुद्दा युएससीआईएसले नहेर्ने
प्रकाशित मिति : भाद्र १७, २०७६ मंगलबार
अस्थायी रुपमा देशनिकाला स्थगित गर्नका लागि दिइएका अगस्त ७ पछिका आवेदनहरु युएससीआईएसले नहेर्ने भएको छ । तर अगस्त ७ भन्दा अगाडि पेन्डिङ अवस्थामा रहेका गैर सैनिक देशनिकाला स्थगन आवेदनहरु युएससीआईएसले पुन खोलेर हेर्ने भएको छ ।
अगस्त ७ भन्दा अगाडि पेन्डिङ अवस्थामा रहेका र रिओपन गरिएका आवेदनहरुका सन्दर्भमा एकसाताभित्र आवेदकलाई पत्र पठाइने युएससीआईएसले जनाएको छ । अगस्त ७ पछि भने देशनिकाला तत्काल स्थगनका लागि दिइएका गैर सैन्य आवेदनहरु युएससीआईएसले नहेर्ने भएको छ ।
यदि कसैले अगस्त ७ पछि आवेदन दिएमा युएससीआइएसले आवेदन अस्वीकृत गरेर सुचना पठाउनेछ । डिफर्ड एक्सनका रुपमा चिनिने उक्त सुविधा अमेरिकाका गैरकानुनी रुपमा उपस्थीत भएकाहरुलाई तत्काल देशनिकाला नगर्नका लागि दिने गरिएको छ ।
अगस्त ७ सम्म पेन्डिङ अवस्थामा रहेका कारण अस्वीकृत गरिएका आवेदनका आवेदकहरु जसको देशनिकालाको आदेश पेन्डिङ अवस्थामा छैन, उनीहरुलाई देशनिकालाको लागि निशानामा नपारिने युएससीआईएसले जनाएको छ ।
अगस्त ७ सम्म पेन्डिङ अवस्थामा रहेका आवेदनहरु उपर भने युएससीआईएसले निर्णय लिदै जाने जनाइएको छ । अमेरिकी सेनाका सदस्यहरु र डाकाले समेटेकाहरुका सन्दर्भमा भने अगस्त ७ को कदमले कुनै असर नगर्ने जनाइएको छ ।