Follow @khasokhasmag

पुस्तक ‘कम्पन’बारे बुटवलमा अन्तरकृया, प्रदेशका मन्त्री र प्रहरी प्रमुख सहभागी हुने


प्रकाशित मिति : भाद्र ६, २०७६ शुक्रबार

नेपालको महाभूकम्पपछिको अवस्था र महाभूकम्पबारे पत्रकार किशोर पन्थीबाट लिखित पुस्तक कम्पनको दोश्रो संस्करणबारे बुटवलमा अन्तरकृया हुने भएको छ । शनिबार बुटवल योगीकुटीमा रहेको होटल पौवामा दिउसो साढे १ बजेदेखि हुने कार्यक्रममा प्रदेश सरकारका मन्त्री सुदर्शन बराल र नेपाल प्रहरीका प्रमुख सर्वेन्द्र खनाल लगायतको सहभागिता रहनेछ ।

महाभूकम्पपछिको आर्तनाद र आशामा आधारित रहेर लेखिएको पुस्तकमा महाभूकम्पमा वियोग र वेदना भोग्नेहरुका वास्तविक कथाहरु, मृत्युको मुखबाट बाँच्नेहरुको बयान, रेस्क्यु अपरेशनमा खट्ने सेना, प्रहरी लगायतको अनुभव, भूकम्पपछि घाइते हुनेहरुको उपचारमा संलग्न डाक्टरहरुको अनुभव, देशविदेशबाट राहत लिएर आउनेहरुको भोगाई र अप्ठ्यारो अवस्थामा समेत संचारकर्ममा सकृय पत्रकारका कथाहरु समेटिएको छ । पुस्तक २५२ पृष्ठको रहेको छ ।

पुस्तकको पहिलो संस्करण पूर्वप्रधानमन्त्रीहरु माधवकुमार नेपाल र डाक्टर बाबुराम भट्टराईले काठमाडौंमा आयोजित कार्यक्रममा लोकार्पण गर्नुभएको थियो । पहिलो संस्करण प्रकाशित भएको एकबर्षभित्रै दोश्रो संस्करण प्रकाशित भएको हो । दोश्रो संस्करणमा पूर्व प्रधानमन्त्रीहरु माधवकुमार नेपाल, डाक्टर बाबुराम भट्टराई, प्राध्यापक डाक्टर खगेन्द्र लुईटेल, बरिष्ठ पत्रकार किशोर नेपाल लगायतले पुस्तकबारे गर्नुभएका समीक्षा पनि प्रकाशित गरिएको छ ।

कार्यक्रममा सहभागी हुनुहुने प्रहरी प्रमुख सर्वेन्द्र खनाल समेत पुस्तकका पात्र हुनुहुन्छ । तत्कालिन अवस्थामा प्रहरी हेडक्वाटरमा नै कार्यरत खनालको भूमिका महाभूकम्पपछिको रेस्क्यु अपरेशनमा निकै महत्वपूर्ण रहेको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com