गुल्मी अपडेट : मृत्यु भएका ६ मध्ये ४ काे पहिचान
प्रकाशित मिति : श्रावण ६, २०७६ सोमबार
गुल्मीमा पहिरोमा घर पुरिँदा ६ जनाको मृत्यु भएकाे छ । जिल्लाको सत्यावती गाउँपालिका वडा नम्बर ३ र सोही गाउँपालिकाको वडा नम्बर ४ मा पहिरोका कारण घर पुरिँदा दुबै ठाँउमा गरेर ६ भन्दा बढी अझै बेपत्ता भएका हुन् ।
मृत्यु हुनेमा ठूलो लुम्पेगकी ३२ वर्षिय तिलकुमार त्रामु, उनको नौ वर्षका छोरा दर्शन त्रामु, ६५ वर्षिया छल्ली विक र २८ वर्षिया पम्फा विक रहेको प्रहरीले जनाएको छ ।
बेपत्ताहरूकाे उद्दारका लागि जिल्ला सदरमुकाम तम्घासबाट प्रहरी टोली घटनास्थलतर्फ जाँदै गरेको प्रमुख जिल्ला अधिकारी यदुनाथ पौडेलले जानकारी दिनु भएको छ । गुल्मीमा बेलुकीदेखि निरन्तर रुपमा पानी परिरहेको छ ।