नेपाल मेडिसिटी अस्पतालबाट चिकित्सक र उपकरणसहितको टोली बारा पुग्यो


प्रकाशित मिति : चैत्र १८, २०७५ सोमबार

ललितपुरको भैंसेपाटीस्थित नेपाल मेडिसिटी अस्पतालले हेलिकप्टरमा चिकित्सक, उपकरणसहितको टोली बारा पुगेको छ । आइतबार साँझ आएको हावाहुरीका कारण बारा र पर्साको विभिन्न ठाउँमा ठूलो धनजनको क्षति भएको छ ।

बिनासकारी हुरीका कारण ३३ जना भन्दा बढीको मृत्यु भइसकेको र ४ सय भन्दा बढी व्यक्तिहरु घाइते भएका छन् ।

नेपाल मेडिसिटी अस्पतालको चिकित्सक सहितको टोली आवश्यक मेडिकल उपकरण सहित हेलिकप्टरसहित बारा पुगेको अस्पतालका महाप्रबन्धक विजय रिमालले बताउनुभयो ।

विरामीहरुको आवश्यक सहयोग र समन्वयका लागि अस्पतालका अध्यक्ष डा. उपेन्द्र महतो पनि बारा पुग्नुभएको छ । बारामा गएराती भएको भिषण हावाहुरीका कारण दूर्घटनामा परेका घाइतेहरुको उद्धार एवं उपचारका लागी नेपाल मेडिसिटी अस्पतालले आफ्ना चिकित्सक तथा स्वास्थ्यकर्मीको टोली बारा पठाएको महाप्रबन्धक रिमालले स्पष्ट पार्नुभयो ।

 

 

त्यसैगरी नेपाल मेडिसिटी अस्पतालको अर्को मेडिकल टोली भेन्टिलेटर सहितको एम्बुलेन्समा त्रिभुवन विमानस्थलमा तयारी अवस्थामा राखिएको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com